Medvedev Rossiyada o‘lim jazosini tiklash haqida gapirdi

^{Foto: Mixail Tereshenko / TASS}
Rossiya Xavfsizlik kengashi raisi o‘rinbosari Dmitriy Medvedev mamlakatning Yevropa Kengashidan chiqarilganini o‘lim jazosini tiklash uchun yaxshi imkon deb atadi.

«Yevropa Kengashi Rossiyani a’zolikdan chiqardi. Qanday adolatsizlik. Yaxshi bo‘ldi, endi eshikni qars yopib, bu bo‘lmag‘ur safsatalarni unutsak ham bo‘ladi. O‘zi yoshlik qilib qo‘shilib qolgandik.

Bundan tashqari, jinoyatchilikning oldini olish uchun keskin jazolarni tiklash uchun yaxshi imkon paydo bo‘ldi. Masalan, o‘lim jazosini. Undan AQSH va Xitoyda ham keng foydalanishadi». dedi sobiq Rossiya prezidenti.

Dmitriy Medvedev 2008 yildan 2012 yilgacha Rossiya prezidenti bo‘lib ishlagan. 2020 yilgacha bosh Rossiya hukumat rahbari — bosh vazir bo‘lgan. Hozirda Xavfsizlik kengashida Putinning o‘rinbosari bo‘lish bilan birga Rossiya hukmron partiyasi «Yedinaya Rossiya» raisi hisoblanadi. Украина ва Россия уруши “Zamin” yangiliklarini “Instagram”da kuzatib boring