Bayden Putinni «qonxoʻr diktator va haqiqiy kallakesar» deb atadi

^{Foto: Global Look Press}
AQSh prezidenti Jo Bayden Rossiya prezidenti Vladimir Putinni «Ukraina xalqiga qarshi axloqsiz urush olib borayotgan qoʻnxoʻr diktator va haqiqiy kallakesar» deb atadi. Bu haqda u Avliyo Patrik kuni munosabati bilan tashkil etilgan tadbirda ma'lum qilgan.

16 mart kuni Bayden Putinni harbiy jinoyatchi deb atagandi. Bir yil oldin Bayden Putinni «qotil deb hisoblaysizmi?» degan savolga ijobiy javob bergandi.

Rossiya prezidentining matbuot kotibi Dmitriy Peskov AQSh davlat rahbarining «Putinni harbiy jinoyatchi» deb atagan bayonoti «oʻrinsiz va kechirib boʻlmaydigan nutqdan» boshqa narsa emasligini aytgan. Kreml vakilining fikricha, «bombalardan butun dunyoda 100 minglab odamlar halok boʻlgan davlat rahbarining bunday ohangda aytgan gaplari oʻrinsiz».

Avvalroq BMT Xalqaro sudi Rossiyadan Ukrainadagi harbiy harakatlarini toʻxtatishni talab qilgandi. Kreml BMT Xalqaro sudining Ukrainada jangovar harakatlarni toʻxtatish borasidagi talabini qabul qila olmasligini bildirgan. «Yoʻq, biz bu qarorni e'tiborga ololmaymiz. Xalqaro sudda ‘tomonlar kelishuvi’ degan tushuncha bor. Bu erda hech qanday kelishuv boʻlishi mumkin emas», — deydi Peskov. “Zamin” yangiliklarini “Telegram”da kuzatib boring