18:24 / 24.04.2016
17 784

Chayon (24 oktyabr – 22 noyabr)

Chayon (24 oktyabr – 22 noyabr)
Ramzlari: chayon, burgut, shamdon, ehrom (piramida).

Ranglari: sariq, to‘q qizil, qirmizi (och qizil), malinarang.

Toshlari: akvamarin, marjon, yoqut, berill, billur, topaz, malaxit.

Gullari: chinnigul, safsargul, xrizantema.

Omadli raqamlari: 4, 5, 8, 9, 10, 11, 21.

Omadli kuni: seshanba.

Omadsiz kunlari: dushanba, juma.

24 oktyabr - 2 noyabr oralig‘ida tug‘ilgan chayon burji vakillarini Mars boshqaradi. Ularni do‘stlari boshiga ko‘p tashvish keltiradi. Aniqrog‘i, chinakam do‘sti yo‘q. Safarlarda, sayohat chog‘ida ko‘pincha boshqa odamlar bilan kelisholmay qoladi. Shaxsiy hayotiga hech kimni aralashishini istamaydi. Jismonan o‘ta chidamli. Og‘ir atletika bilan shug‘ullanadi. Nihoyatda kuchli, charchaganda quvvatini tez tiklay oladi. Yirik jamoalarni ham mohirlik bilan boshqara biladi.

3-12 noyabr oralig‘ida tug‘ilgan chayon burji vakillarini Quyosh boshqaradi. Hayotining birinchi yarmi ancha murakkab kechadi. Keyin vaziyat yaxshilanadi. Dunyo haqidagi tasavvuri butunlay o‘zgarishi mumkin. Tug‘ma o‘tkir aql sohibi. Ayyorlikdan ham xoli emas. Boshqalar payqamagan narsalarni ham sezadi. Ichki sezgisi nihoyatda rivojlangan. Hatto bashoratchilik qobiliyatiga ham ega bo‘lishi mumkin. Zararli ta’sirlarga va odatlarga berilishi ehtimoldan xoli emas. Ishqiy sarguzashtlarga o‘ch.

13-22 noyabr oralig‘ida tug‘ilgan chayon burji vakillarini Venera boshqaradi. Ular qaysar, ehtiroslarini jilovlab olishi qiyin. G‘ayrat-shijoatga to‘lib-toshib yuradi. Temir iroda egasi. Hatto eng ilojsiz vaziyatlarda ham g‘alabaga erishadi. Noyob musiqiy iste’dod sohibi. Tez-tez ehtiroslarga berilishi tufayli asablari charchaydi. O‘zi qiziqqan ishni zavq bilan bajaradi. O‘ta rashkchi. Janjallashib qolsa, munosabatlarni butunlay uzadi. To qariguncha ishq lazzatidan bahramand bo‘ladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Hayot tarzi » Chayon (24 oktyabr – 22 noyabr)
[/banner_pushhouse