19:27 / 24.04.2016
46 730

Qovg‘a (21 yanvar – 19 fevral)

Qovg‘a (21 yanvar – 19 fevral)
Ramzlari: qovg‘a, kumush qo‘llar, qanotlar, qush parvozi.

Ranglari: kulrang, ko‘kish yashil (qora omadsiz rang).

Toshlari: yoqut, sirkon, oq sapfir, opal, ametist, lojuvard.

Gullari: binafsha, mirt, nargis.

Omadli raqamlari: 2, 4, 8, 9, 11, 13.

Omadli kunlari: chorshanba, shanba.

Omadsiz kuni: yakshanba.

21-30 yanvar oralig‘ida tug‘ilgan qovg‘a burji vakillarini Venera boshqaradi. Ularning hamma orzulari ham amalga oshavermaydi. Bolalikda og‘ir xastaliklarni boshdan kechiradi. Ko‘pincha puli kamligidan noliydi. Hatto yonida kattagina sarmoya bo‘lgan hollarda ham nolishni bas qilmaydi. Hissiyotlarga beriluvchan. San’atda yangiliklarni yoqtiradi. Xayoliy muhabbatni orzu qiladi. Kutilmaganda moliyaviy muvaffaqiyatlarga erishadi. Doimo mustaqil bo‘lishga intiladi, boshqalarning tazyiqiga toqat qilolmaydi. Vaholanki, gohida o‘zi boshqalarga zug‘um o‘tkazadi. Do‘stlari ko‘p. Hayoti muloqotlarga boy bo‘ladi.

31 yanvar – 9 fevral oralig‘ida tug‘ilgan qovg‘a burji vakillarini Merkuriy boshqaradi. Ular yorqin aktyorlik iqtidoriga ega. Badihago‘ylik qobiliyati bor. Ma’naviy yuksakliklarga, san’at olamiga intiladi. Kirishimli. Rahm-shafqatli, boshqalarga g‘amxo‘r. O‘ziga xos g‘oyalar xayoliga keladi. Ichki sezgisi nihoyatda kuchli. O‘smirlik yillarida sarguzashtlarga judayam o‘ch bo‘ladi, uydan qochib ketgisi keladi. Texnik yangiliklarga qiziqadi. O‘zi ham kashfiyotlar qilishga qobil. Kutilmagan yutuqlar sohibi bo‘ladi. Elektr tokidan va chaqmoqdan ehtiyot bo‘lishi kerak.

10-19 fevral oralig‘ida tug‘ilgan qovg‘a burji vakillarini Oy boshqaradi. Hayotida ko‘p bor hafsalasi pir bo‘ladi. Shunday kezlari qaerlargadir bosh olib ketgisi keladi. Buning iloji bo‘lmasa, o‘z qobig‘iga o‘ralib oladi. Bu dunyoni unutishga harakat qiladi. Nozik qalb egasi. Adolat uchun kurashchi. Kayfiyati tez-tez keskin o‘zgarib turadi. Munajjimlikka qiziqadi. O‘zi ham bashoratchilik xususiyatiga ega. Barcha yangiliklarga qiziqadi. Uyida elektronika jihozlari ko‘p bo‘ladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Hayot tarzi » Qovg‘a (21 yanvar – 19 fevral)