15:51 / 09.05.2016
32 678

Baliqlar qaysi burj vakillaridan juft tanlashi mumkin?

Baliqlar qaysi burj vakillaridan juft tanlashi mumkin?
Ayol. Mazkur burj ostida dunyoga kelgan ayollar hech qachon erkakni kamsitmaydi, erkaklik g‘ururini erga urmaydi. Hut ayollar qattiqqo‘l erkaklardan qo‘rqishadi. Ular ishonuvchan.

Erkak. Sevgan kishisiga doim o‘zidan unutilmas xotiralar qoldiradi. Hutlar biror ayolni sevib qolsa, bir umr unga sajda qiladi. Nihoyatda ta’sirchan. U xomush bo‘lsa, kayfiyatini ko‘tarish harakatida bo‘ling. Buni u bir umr unutmaydi.

BALIQ - QO‘Y: Munosabatlarda Qo‘y Baliqning barcha ichki talantlarini ochilishiga yordam beradi va munosabatlarda ustun bo‘ladi. Baliqqa esa bunday holat yoqadi, ammo ba’zi hollarda Qo‘y ko‘p tanqid qiladi, Baliq esa tanqidni og‘ir qabul qiladi. Agar bu ikkalasi ba’zi qiyinchiliklardan o‘ta olishsa, uzoq davom etadigan munosabatlarga erishishlari mumkin.

BALIQ - BUZOQ: Bu ikkalasi bir xil noziktabiat, ammo Buzoqning qattiq gapirishlarini Baliq tushunishi og‘ir. Baliq Buzoqning qo‘polligidan ko‘p xafa bo‘lib yurishi mumkin. Agar Buzoq kamroq qo‘pollik qilsa va Baliqni tushunishga harakat qilsa, munosabatlari yaxshi kechishi mumkin. Baliq ham Buzoqni to‘g‘ri tushunishga harakat qilishi kerak. Bular oila qurishlari mumkin.

BALIQ - EGIZAKLAR: Bu ikkalasi bir biridan juda ko‘p tomondan farq qiladi. Egizaklarning jonli xarakteri Baliqning sentimentalligiga to‘g‘ri kelmaydi. Ikkalasi ham egoist bo‘lgani uchun bir birini tushuna olmaydi. Bularga kuchli partnyor kerak. Ammo munosabatlar ham bo‘lishi mumkin. Oila hamma vaqt ham yaxshi bo‘lmaydi, buning uchun ular ko‘p harakat qilishlari kerak.

BALIQ - QISQIChBAQA: Qisqichbaqa ko‘p narsani talab qilishi mumkin. Bunda Baliq qarshi bo‘lmaydi. Asosiy qarorni munosabatlarda Qisqichbaqa o‘z zimmasiga oladi. Ba’zi kelishmovchiliklarga qaramasdan bu ikkalasining munosabatlari chiroyli bo‘ladi va yaxshi oila qurishlari mumkin.

BALIQ - ARSLON: Chaqqon va ko‘p narsaga qiziqadigan Arslonga uyatchan va passiv Baliqlar xarakteri yoqmaydi. Ikkalasi ham ko‘proq berishdan ko‘ra olishni yoqtiradi. Birinchi kundagi bir biriga qiziqush oqibatda ko‘ngil sovushi bilan tugaydi, odatda. Agar oila qurishsa, ikkalasining ham ixlosi qoladi.

BALIQ - SUNBULA: Sevgiga ikkalasi o‘zgacha munosabatda. Sunbulaga mustahkamlik kerak. Baliq esa ko‘proq romantik. Bir birini tushuna olmaydi. Boshlangan munosabat tez tugaydi, oila qurish ma’nosi qolmaydi.

BALIQ - TAROZI: Murakkab juftlik. Baliqning muloyimligi Taroziga yoqadi. Tarozi doim balandda va munosabatlarda ustun bo‘lishni yoqtirmaydi. Agar ikkalasi birga bo‘lsa, umuman bir birini tushunishi qiyin bo‘ladi va munosabatlari juda zerikarli. Oilada ham birga yashay olmaydilar.

BALIQ - ChAYoN: Bu ikkalasi bir biriga tortiladi, chunki xarakterlari juda to‘g‘ri keladi. Bir birini tushunadi. Chayonning ustun bo‘lish istagi muloyim xarakterli Baliqqa to‘g‘ri keladi. Har tomonlama mos keladi, munosabatlari chiroyli, oila esa yaxshi va mustahkam bo‘ladi.

BALIQ - QAVS: Ikkalasi ham bir biriga mustahkamlikni bera olmaydi. Bunday juftlik juda murakkab va zerikarli. Qavs Baliqning yonida zerikib ketadi. Baliqqa esa Qavsning qiliqlari yoqmaydi. Mustahkam oila chiqmaydi.

BALIQ - TOG‘ EChKISI: Boshida Baliq Tog‘ echkisini chalg‘itishga harakat qiladi. Ammo Tog‘ echkisi bu vaziyatdan chiqib, baribir Baliqdan ustun bo‘ladi. Baliq esa Tog‘ echkisiga taqlid qilishni boshlaydi. Keyinchalik Baliq bilan Tog‘ echkisi til topishib ketishi mumkin. Bu ikkalasi bir biriga o‘xshamagan insonlar bo‘lsada, bir birini baxtli qila oladi. Shuning uchun ham yoqimli munosabatlar o‘rnatishlari va oila qurishlari mumkin.

BALIQ - DALV: Bularning sevgisi asta-sekin melodramaga aylanadi. Baliqlar Dalvga tobe bo‘ladi va doimo Dalvdan sevishini isbotlab berishini talab qiladi. Bundan Dalv o‘zini qopqonga tushgandek sezadi. Ikkalasining maqsadlari boshqa-boshqa. Boshida munosabatlari yaxshidek tuyuladi, ammo hech qaerga olib kelmaydi.

BALIQ - BALIQ: Bu ikkalasi bir tomondan bir biriga juda to‘g‘ri keladi, ammo ikkinchi tomondan bir biriga juda o‘xshagani uchun bir birining jig‘iga tegadi, chunki ikkalasiga ham kuchli partnyor kerak. Shuning uchun munosabatlar yaxshi boshlanishi bilan, vaqt o‘tib bir biridan qalban uzoqlashib, boshqa-boshqa tomonga yo‘l olishlari mumkin. Oila og‘ir bo‘ladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)