Har mavsumda moda aksessuarlar to‘plamini yangilashni yaxshi ko‘radigan ayollar garderobida har qanday vaziyat uchun kamida bitta ko‘p qirrali, keng, qulay hamda har xil ko‘rinishga mos keladigan sumka bo‘lishi kerak. Marie Claire nashri har bir obrazga mos tushuvchi sumkani tanlashda nimalarga e’tibor qaratish kerakligi haqida ma’lumot berdi.
Ko‘p kiyadigan kiyimlaringizga mos sumka modellarini ko‘rib chiqish
Kundalik ravishda eng ko‘p kiyadigan kiyimlar, ularning rang palitrasi va uslubiga asoslanib, to‘g‘ri sumka modelini tanlash kerak. Garderobdagi hamma narsa bilan mos kelishi mumkin bo‘lgan model obrazga putur yetkazmaydi. Bunday holatda neytral klassik rangli sumkani tanlagan ma’qul.
Hajm borasida xato qilish
Avval qanday o‘lchamdagi sumka kerakligini yaxshilab o‘ylab ko‘rish lozim. Haqiqiy talabga ega bo‘lmagan juda katta aksessuar zerikarli bo‘ladi va juda kichik sumka esa biror-bir narsa sig‘masligi bilan foydasiz bo‘lishi mumkin. Agar hujjatlar yoki noutbuk bo‘lsa, shunga mos ravishda qulay hamda foydali model tanlash tavsiya etiladi.
Sumkaning tuzilishiga e’tibor bering
Sumkaning qiymati, albatta, uning barcha kerakli narsalarni saqlash qobiliyatidadir. Saqlash bo‘limlariga pasport va pul uchun alohida cho‘ntak, shuningdek, aksessuardan kundalik foydalanishni yanada qulayroq qiladigan boshqa nuqtalarga e’tibor berish lozim.
.jpg)
Minimalizmga ustunlik bering
Juda yorqin yoki g‘ayrioddiy sumka osongina ko‘zga tashlanishi mumkin va bu kabi modellar shunga mos libosni kiyishni taklif qiladi. Shuning uchun kundalik obrazga imkon qadar jiddiy va turli xil bezaklarsiz sumka tanlash tavsiya etiladi.
Sifatga e’tiborli bo‘lish
Sumka tanlashda materiali, aksessuar, chok va bo‘limlarga e’tibor berish lozim. Ba’zi charm sumkalar boshqalarga qaraganda uzoq xizmat qiladi. Har doim ham qimmat sumka sotib olish bir mavsumdan keyin sifatsiz sumkani tashlab yuborishdan ko‘ra yaxshiroq.
“Zamin” yangiliklarini “Vkontakti”da kuzatib boring
