Asl buyumni soxtasidan farqlashga yordam beradigan 6 ta maslahat

Soxta mahsulotlar bozori nihoyatda katta — Adidas krossovkalari va Louis Vuitton sumkalaridan Chanel parfyumeriyasi va kosmetikasigacha. Ko‘pincha nusxalarni originalidan ajratish qiyin bo‘lsa-da, soxta narsalar xavfli bo‘lishi mumkin, chunki ular zaruriy nazorat va sertifikatlashdan o‘tmaydi.

Adidas krossovkalari

• Original Adidas bog‘ichlarining teshiklari metalldan bo‘lmaydi, ba’zi eski modellar bundan mustasno. Shuningdek, teshiklar sonini sanashni unutmang: haqiqiy modellarda bolalar va ayollar poyabzalida 6 ta teshik, erkaklarnikida 7 teshik bo‘ladi.

Chanel atiri

• Birinchidan, flakonning ko‘rinishini tekshiring. Asl nusxaning yorlig‘ida bo‘rttirma harflar mavjud, bundan tashqari, u mukammal tekis bo‘lishi kerak. Flakonning bo‘ynidagi kichik yoqani tekshiring. U markazda va flakon bo‘yniga yaqin bo‘lishi kerak.
• Flakonning pastki qismiga qarang. Muhrda hech qanday xato bo‘lmasligi va u shishaning o‘rtasida bo‘lishi lozim, yon tomonda emas. Partiya kodini va shtrix kodini solishtiring. Asl versiyada shtrix-kodni orqa tomondan, ochilmagan parfyum qutisining pastki qismidan topasiz.

Louis Vuitton sumkalari

• Naqsh sumka bo‘ylab teng taqsimlanganiga ishonch hosil qiling. Naqsh bir tekis ko‘rinishi kerak. Agar bezak sumkaning bir tomonida kesilgan bo‘lsa, boshqa tomondan ham xuddi shu joyda kesilishi kerak.
• Sumka orqasidagi LV emblemalari teskari yoki yo‘qligini tekshiring. Louis Vuitton sumkalari bir butun charmdan qilingani sababli LV belgilari sumkaning old va orqa tomonida to‘g‘ri joylashgan bo‘ladi.
• Tutqich va zamogini tekshiring. U oltin qoplamali haqiqiy metalldan yasalgan bo‘lishi kerak.

MAC lab bo‘yog‘i

• Qutini tekshiring. Stikerda rangning nomi va shtrix-kod ko‘rsatilishi kerak.
• Tyubikning tagidagi seriya raqamini toping. Haqiqiy MAC lab bo‘yog‘ining seriya raqamlari A, B yoki C bilan boshlanadi, odatda A44 yoki B32 kabi 2 ta raqamdan keyin keladi.
• Qopqoqdagi MAC logotipini tekshiring. Haqiqiy MAC logotipi tyubik qopqog‘iga mos ravishda kesilgandek ko‘rinishi va shrifti ancha kichikroq, harflar bir-biriga yaqin bo‘lishi kerak. “A” ning ikkala tomonidagi nuqtalar ham mukammal yumaloq bo‘lishi kerak.
• Lab bo‘yog‘ini hidlang. Agar u haqiqiy bo‘lsa, yumshoq vanil ta’mini sezasiz. Soxta MAC lab bo‘yog‘idan meva yoki konfet hidi kelishi mumkin.

Crocs

• Logotipni tekshiring. Haqiqiy Crocs tagligida Duke logotipi bosilgan bo‘ladi. Orqa tomonda 2 ta ko‘z va 2 ta qo‘l ko‘rinadi, ularning har birida 3 ta barmoq bor.
• Oyoq kiyimning tagligini tekshiring. Haqiqiy poyabzallarning bir tomonida taglikning o‘rtasida Crocs logotipi bo‘ladi.

Levi’s jinsi shimlari

• Haqiqiy Levi’s yorlig‘ida model nomi, bel aylanasi va o‘lchami har doim qora harflar bilan yozilgan bo‘ladi. Buning sababi shundaki, dastlab umumiy yorliq yaratiladi va keyin bu spetsifikatsiyalar har bir maxsus jinsi shimga bosiladi.
• Charmli bo‘lak juda och yoki juda to‘q rangda bo‘lmaydi, yorliq yuvilganda ham o‘chmaydi.
• Shimning o‘rtasiga urilmagan yorliqlar yoki imlo xatolari shim soxta ekanligini ko‘rsatadi.

“Zamin” yangiliklarini “Vkontakti”da kuzatib boring