Odatdagidek ovqatlanish tartibini o‘zgartirish yoki menyuga yangi mahsulot qo‘shishdan oldin shifokor bilan maslahatlashing. Individual omillar cheklovlarga olib kelishi mumkin. Masalan, sizda diabet bo‘lsa, ruxsat etilgan gazaklar ro‘yxatini qayta ko‘rib chiqing. Gazaklar odatiy taomlanish kabi muhim — ular ishtahaochar ko‘rinsa ham zararli yeguliklarni tanovul qilish vasvasasiga soluvchi ochlikdan qutqaradi.
Proteinli kokteyl
Bir osh qoshiq laktozasiz sut, o‘simlik oqsili ustiga ma’lum miqdorda suv quyib, doktor tavsiya qilgan mevalar va Chia urug‘lari bilan blender yordamida maydalab olinadi. Qarabsizki, xushxo‘r ichimlik tayyor. Va bu qand darajasini oshirmaydi.
Popkorn
.jpg)
Chindan ham diyetologlar ta’kidlaganidek, popkorn qonda glyukoza miqdorini oshirmaydigan mazali gazakdir. Chunki u kletchatkaga juda boy. Popkornni uyda o‘zingiz tayyorlang, unga yog‘ va shakar emas, balki tuz, ziravorlar, quritilgan ko‘katlar qo‘shib, qattiq pishloq bilan iste’mol qiling.
Suli yormasi
Ovsyanka diabetga chalinganlar uchun juda foydali gazak. Uning tarkibida qonda qand miqdorini normallashtiradigan beta-glyukan moddasi mavjud.
Bodom, kedr yong‘og‘i va malina
Tadqiqotlarga ko‘ra, bodom diabetli odamlarda qand darajasini me’yorda saqlashga yordam beradi. Ammo ushbu mazali yong‘oq prediabet tashxisi qo‘yilganlarga unchalik foydali emas. To‘liq gazak uchun 20 dona bodom yetarli. Bodom bilan birga yarim stakan malina iste’mol qilish mumkin. To‘g‘ri, rezavorlar qandni oshiradi, ammo kletchatka va yog‘dan iborat ushbu kombinatsiya vaziyatni muvozanatlashtiradi.
Xurmo
Pokistonlik olimlar yaqinda o‘tkazgan tadqiqotlari xurmo qonda glyukoza darajasini tartibga sola olishini va metabolik kasalliklarda foydali bo‘lganligini ko‘rsatdi. Ammo muhim nyuans bor: ularni diabetda 2-3 dona yeyish mumkin xolos. Shuningdek, uy sharoitida energiya “bomba”sini yaratish uchun sulining butun donlari, xurmo va yong‘oq pastasidan shakar qo‘shmagan holda tayyorlashingiz mumkin.
Guakamole bilan barra sabzavotlar
Pomidor, piyoz, sarimsoq, kinza va avokadodan qilingan quyuq guakamole shakar miqdorini oshirmasdan, tez to‘ydiradi. Uni selderey tayoqchalari yoki bir bo‘lak bulg‘or qalampiri bilan tanovul qilish ham mazali, ham foydali gazak hisoblanadi.
Kreker bilan pishloq
Hozirda barcha do‘konlarda yuqori foizli kepakli krekerlar mavjud. Ular juda arzon, krekerni turli qo‘shimchalar bilan iste’mol qilish mumkin. “Kraker + pishloq” bu mazali gazak protein va murakkab uglevodlar sifatida glyukoza darajasiga ta’sir qilmaydi.
“Zamin” yangiliklarini “Facebook”da kuzatib boring
