Jigar uchun eng foydali ovqatlar rezavorlar va avakadolardir. Bu haqda gepatolog Elena Butenko “Gazeta.ru” nashriga bergan intervyusida gapirdi.
“Birinchidan, bu avakado. Ushbu noyob mahsulot tarkibida ko‘plab mono to‘yinmagan yog‘lar mavjud bo‘lib, ular jigarning shikastlanish jarayonini sekinlashtiradi va atrof-muhitning zararli ta’siridan tezroq tiklanishiga yordam beradi. Bu ekzotik meva tarkibida ko‘plab tolalar, antioksidantlar, vitaminlar va minerallar majmuasi mavjud”, — deya tushuntirdi ekspert.
Bundan tashqari, jo‘xori uni va rezavorlar, xususan, qulupnay, malina, yovvoyi qulupnay, uzum, chernika va tarvuz jigarga foydali ta’sir ko‘rsatadi. U juda ko‘p suyuqlikni o‘z ichiga oladi, bu organizmdan toksinlar va chiqindilarni olib tashlashga yordam beradi.
Gepatolog yashil choyning afzalliklarini alohida qayd etdi. Antioksidantlar tufayli jigar saratoni rivojlanishini, shuningdek, yallig‘lanish va oksidlanish jarayonlarini sezilarli darajada kamaytiradi.
Butenko shuningdek, greypfrutga e’tibor berishni maslahat berdi. U organizmni zararli moddalarning shikastlanishidan himoya qilishga yordam beradigan, regeneratsiyani rag‘batlantiradigan va gepatotsitlarni tiklaydigan moddalarni o‘z ichiga oladi. Bundan tashqari, greyfurt iste’mol qilish vazn yo‘qotishga yordam beradi va jigardagi zararli yog‘lar darajasini pasaytiradi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
