Kosmetika ayollarning go‘zalligi va parvarishida muhim vosita bo‘lsa-da, uning tarkibidagi ba’zi moddalar sog‘liq uchun xavf tug‘dirishi mumkin. Go‘zallik sanoatida ishlatiladigan ba’zi kimyoviy birikmalar saraton kasalligi xavfini oshirishi mumkinligi bilan tadqiqotlarda qayd etilgan. Quyida eng xavfli va e’tiborli moddalar keltirilgan.
-
Parabenlar (methylparaben, propylparaben, butylparaben) – estrogen faoliyatiga ta’sir qilishi mumkin. Ba’zi tadqiqotlarda sut bezidagi saraton to‘qimalarida aniqlangan. Hali IARC tomonidan rasmiy saraton keltiruvchi modda deb e’lon qilinmagan, lekin ehtiyotkorlik zarur.
-
Triklosan – antibakterial komponent. Gormonlar faoliyatini buzishi, antibiotik chidamliligini kamaytirishi mumkin. Yevropa davlatlarida kosmetikada taqiqlangan.
-
Fitonadion (Vitamin K) – ko‘z atrofidagi qora dog‘lar uchun krem va serumlarda uchraydi. Kuchli allergiya va ko‘z yallig‘lanishiga olib kelishi mumkin.
-
Formaldehid va formaldehid chiqaruvchi moddalar – tirnoq bo‘yog‘i va ba’zi soch bo‘yog‘larida uchraydi. Kuchli allergiya va saraton xavfi bilan bog‘liq.
-
Sodium Lauryl Sulfate (SLS) va Sodium Laureth Sulfate (SLES) – teri va soch shampunlarida ishlatiladi. Teri sathini shikastlashi, saraton xavfini oshirishi mumkin.
-
Toluene – tirnoq bo‘yog‘i va laklarda uchraydi. Nafas yo‘llari va teriga zarar berishi, saraton rivojlanishiga ta’sir qilishi mumkin.
-
Coal tar (ko‘mir yog‘i) – soch bo‘yog‘i va shampunlarda uchraydi. Ba’zi turlari saraton kasalligi bilan bog‘langan.
-
Phthalates (DEP, DBP, DEHP) – atirlar va parfyumeriya mahsulotlarida ishlatiladi. Gormonlarni buzishi va saraton xavfini oshirishi mumkin.
Kosmetikani tanlashda yorliqdagi tarkibga diqqat qilish, tabiiy va sertifikatlangan mahsulotlarni afzal ko‘rish tavsiya etiladi. Go‘zallik uchun sog‘liqni xavf ostiga qo‘ymaslik eng muhim mezon bo‘lishi kerak.
“Zamin”ni Telegramʻda oʻqing!
