Avvallari faqat sportchilarga xos bo‘lgan muzli vannalar bugungi kunda sog‘lom turmush tarzining mashhur tendensiyasiga aylandi. Ular mushaklarni tiklash bilan birga, jismoniy va ruhiy salomatlik uchun ham ko‘plab foydalar beradi, deb yozadi The Economic Times.
Muzli suvga sho‘ng‘ish endorfin ajralishiga sabab bo‘lib, kayfiyatni tabiiy ravishda ko‘taradi. Sovuq ta’siri asab tizimini faollashtirib, qisqa vaqt ichida tetiklik va energiya baxsh etadi.
Tadqiqotlar muntazam muzli vanna oq qon hujayralari ishlab chiqarilishini rag‘batlantirishini ko‘rsatmoqda. Bu esa immunitetni kuchaytirib, mavsumiy shamollash va gripp xavfini kamaytiradi.
Sovuq suv yallig‘lanishni kamaytiradi, teshiklarni toraytiradi va terining tabiiy yog‘ balansini saqlashga yordam beradi. Shu bois teri yangidek ko‘rinadi, sochlar esa yanada mustahkamligini va jilosini oshiradi.
Kun oxirida qabul qilingan muzli vanna tana haroratini tushirib, dam olish jarayonini tezlashtiradi. Bu organizmga tinchlanish signalini berib, chuqur va sokin uyquni ta’minlaydi.
“Zamin”ni Telegramʻda oʻqing!
