Ko‘pchilik avtomobil yoki ochiq joyda qolib ketgan plastik idishdagi suvni ichishda davom etadi. Biroq mutaxassislarning aytishicha, plastik butilkalarni uzoq vaqt quyosh ostida qoldirish sog‘liq uchun xavf tug‘dirishi mumkin.
Issiq harorat ta’sirida plastik tarkibidagi ayrim kimyoviy moddalar suvga ajralib chiqishi ehtimoli bor. Ayniqsa sifatsiz yoki bir martalik plastik idishlar yuqori haroratda zararli moddalarni ko‘proq chiqarishi mumkinligi aytiladi.
Shuningdek, quyoshda uzoq turgan suvda bakteriyalar tezroq ko‘payishi mumkin. Bu esa oshqozon-ichak bilan bog‘liq muammolar xavfini oshiradi.
Mutaxassislar plastik idishdagi suvni salqin joyda saqlashni tavsiya etadi. Issiqda uzoq qolgan yoki ta’mi o‘zgargan suvni iste’mol qilmaslik kerakligi ta’kidlanmoqda.
“Zamin”ni Telegramʻda oʻqing!
