Munajjimlar bashorati: 2018 yilda "Tog‘ echkisi" burji vakillarini nimalar kutmoqda?

Tabiatan jiddiy hisoblanmish Tog‘ echkisi burji vakillari 2017 yilni arzirli ko‘rinishda o‘tkazishdi. Mukofotini ham olishdi. 2018 yil ham ular uchun omadli boshlanishi kutilmoqda. Siz eski yilda oxiriga yetkaza olmagan ishlarni 2018 yil boshida yakunlaysiz.
Yanvar oyidanoq ishxonadagi mavqeingiz ortib, rahbarlar bajargan ishlaringiz uchun maqtovlarga ko‘mishlari kutiladi. To‘g‘ri, yilning birinchi choragida mayda ko‘ngilsizliklar ham sizni chetlab o‘tmaydi. Ammo ular yiqita olmaydi. Siz faqat oldinga intilaverasiz.
2018 yili olisda yashaydigan qarindoshlarning mehmon bo‘lib kelishlari ham ehtimoldan xoli emas. Yil davomida meros va ro‘zg‘or bilan bog‘liq muammolarga ham ro‘baro‘ bo‘lasiz.
Oilasizlar it yili avvalidan atrofga yaxshiroq nazar tashlashlari tavsiya etiladi. Sizda bo‘lg‘usi baxtingizni uchratish imkoni yo‘q emas. Faqat uni o‘z vaqtida ilg‘ab ola bilsangiz bas.
Kuz fasli ham siz uchun qiziqarli kechadi. Tashqarida havo aynigan bo‘lishiga qaramay, qalbingizda qaynoq quyosh nur sochib turadi. Salomatlik ham sizga pand bermaydi. Jiddiy xastaliklar sizni chetlab o‘tadi.
Tadbirkor bo‘lsangiz, qish oylarida halol ishlaydigan yangi hamkorlar topishingiz va daromadingizga daromad qo‘shishingiz haqiqat.
Ishingiz it yilida juda ko‘p bo‘ladi. Bemalol o‘tirib dam olishga, yoki yozda tabiat qo‘yniga chiqib dam olishga vaqt topa olmasligingiz mumkin. Ammo kayfiyatingiz a’lo darajada bo‘ladi. Cho‘ntagingizdan pul arimaydi. Atrofingizni faqat yaxshi, mehribon, kuyinchak insonlar qurshab turadi. Bundan ortiq baxt bormi axir dunyoda!..
Tushkun kayfiyat hukm sura boshlaganda, darhol hazil-mutoyiba yo‘liga o‘ting. U har qanday xafagarchilikni nari surib sizga xursandchilik uchun barcha imkoniyat eshiklarini ochib beradi.
Oilada ham, ishxonada ham muloyim bo‘ling, behuda birovni ranjitishga urinmang. Muhabbatda ham tilingizga ehtiyot bo‘lishingiz shart.

MUHABBATI
Oila qurmaganlar 2018 yil boshida romantik uchrashuvni boshdan o‘tkazishlari kutilmoqda. Bunday romantikani barcha orzu qilishi tayin. Tanlaganingizga ko‘proq yaxshi jihatlaringizni namoyish eting. Yomoningizni yashiring. Uni bir umr yashirib yashasangiz ham xato qilmaysiz.
Agar juftingiz sizni har doim birdek sevishini xohlasangiz, ishlab pul topishdan tashqari sport bilan faol shug‘ullaning, parhezga o‘ting. Tashqi ko‘rinishingizga alohida e’tibor qarating. Bu maslahatlarning aksariyati asosan ayollarga, qizlarga tegishli desa to‘g‘riroq bo‘ladi.
Yolg‘iz erkaklar, bo‘y yigitlar ham it yilining mukofotidan bebahra qolishmaydi. Siz bahor faslida ajoyib insonni uchratib tanishasiz. Agar kelishib qolsangiz, bu inson bir umrlik yo‘ldosh bo‘lib qolsa ham ajab emas. Faqat bir umrlik yo‘ldosh tanlashda aslo xatoga yo‘l qo‘ymang. Bu sizga juda-juda qimmatga tushishi mumkin.

OILASI

Oila mustahkam bo‘lishi uchun 2018 yili ishni uy ta’miri, yoki zarurat bo‘lsa, yangi uyga ko‘chib o‘tishdan boshlang. Do‘stlarni tez-tez uyingizga taklif eting, maroqli suhbatlar quring. Bir piyola choy ustida xursandchilik qiling.
Sovg‘alar, kutilmagan sovg‘alar, shirin so‘z oila mustahkamligining garovidir. Oiladagi muammolarni juftingiz, yaqinlaringiz bilan yelkadosh bo‘lgan holda bartaraf etishga harakat qiling.
Oilangizda yil bo‘yi jiddiy moliyaviy muammolar ko‘zga tashlanmaydi inshoolloh. Demak, janjal, kelishmovchiliklar, xafagarchiliklar uchun bahona yo‘q. Siz ahillikda, sokinlikda yashashga haqlisiz. U holda oilaviy tarzda yoz oylari bemalol tabiat qo‘ynida dam olishingiz, xohish bo‘lsa o‘zga o‘lkalarga sayohatga otlansangiz ham yarashadi. Faqat 2018 yil boshidayoq moliyaviy ahvolingiz yil davomida mustahkam bo‘lishining zarur choralarini ko‘rib qo‘ying.

SALOMATLIGI
It yilida kamroq asabiylashing, xavotirga tushing. Aks holda ruhiyatingizga putur yetishi mumkin. Jahlni sira jilovlay olmagan paytingiz darhol sportzalga borib xumordan chiqquncha mashq qiling. Ishoning, jahldan qisqa muddat ichida asar ham qolmaydi.
2018 yil davomida sezilarli darajada semirishingiz kutiladi. Bunga yo‘l qo‘ymaslikning yo‘llarini topish lozim. Ayollar fitnes klubga qatnay boshlasa ham ziyon qilmasdi. Parhezga alohida e’tibor qarating. Suzish mashqlarini bajaring, organizmni chiniqtirishga harakat qiling. Tog‘larga chiqib havo almashtiring. Xastalik ko‘zga tashlansa, o‘zingizga o‘zingiz tabiblik qilmang. Faqat vrach ko‘rigi orqali davolaning.

MARTABASI VA MOLIYaVIY AHVOLI

2018 yilning fevral, mart oylarida moliyaviy ahvolingiz goh pastga, goh yuqoriga sakrashi kuzatiladi. Bu oylarda shaxsiy tijoratingizni boshlamay turing. Muvaffaqiyatsizlikka uchrashingiz mumkin. Muhim hujjatlarga imzo qo‘yishni ham keyinga qoldiring.
Xaridlarda ehtiyotkorlikni qo‘ldan bermang. Ayollar farzandlariga alohida e’tibor bilan yondashishlari lozim. 2018 yil o‘rtalariga borib davolanish, bolalar o‘qishi, uy-ro‘zg‘or tashvishlariga yo‘naltirilgan yirik xarajatlarni boshdan kechirishingiz mumkin. Hech narsaga zoriqmaslik uchun esa siz 2018 yili qattiq ishlashingiz kerak.
2018 yil noyabr, dekabr oylariga borib moliyaviy ahvolingiz rekord darajada yaxshilanishi kutiladi. Ish joyingizda ham obro‘-e’tiboringiz oshib, mavqeingizni yanada mustahkamlash imkoni tug‘iladi.

Manba: Hordiq.uz “Zamin” yangiliklarini “Telegram”da kuzatib boring