Mol-mulki behisob bo‘lishi, qo‘lidagi sehrli uzugi tufayli qushlar, insu jinslar, hatto tabiat hodisalarini hukmiga bo‘ysundirishiga qaramay, Sulaymon alayhissalom ko‘zining oqu qarosi shol bo‘lib qolganida dardiga davo topolmabdi. Oxiri Alloh taolodan najot so‘rabdi. Yaratgan Jabroil orqali amr qilibdi:
— Senga va xotiningga bittadan savol beriladi — to‘g‘ri javob bersalaring, farzandingiz tuzaladi.
Eru xotin rozi bo‘lishibdi.
Jabroil Sulaymon payg‘ambarga yuzlanibdi:
— Yetti pushtingga yetadigan mol-dunyong bo‘la turib ham senga ishi tushib kelgan kishining qo‘liga qaraysanmi?
Payg‘ambar o‘ylanib qolibdi. Lekin azboroyi farzandining tuzalishi uchun ham haqiqatni tan olibdi:
— Ha, qarayman.
Shu lahzaning o‘zida bolaning qo‘llariga jon kirib, quvonchdan qiyqirib yuboribdi:
— Tuzaldi, otajon, qo‘llarim tuzaldi!
Jabroil endi xotinini savolga tutibdi:
— Shunday boy, kelishgan, aqlli, kuchli eringiz bo‘la turib, begona yigitga sira ko‘nglingiz sust ketganmi?
Xotin uyatdan lov-lov yongancha e’tirof etibdi:
— Ha, shunday…
Bola oyoqqa turib ketibdi.
— Tuzaldi, oyijon, oyoqlarim tuzaldi!
Manba: hordiq.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Apple dongdor ikki ayfonini rasman eskirgan deb e’lon qildi
Buyrak salomatligi uchun eng foydali sabzavot...
Ijtimoiy tarmoqlar davrida ruhiy salomatlikni qanday saqlash mumkin?
