Hozir tish pastalarini chiqaruvchi juda ko‘plab kompaniyalar oqartiradigan pastalar reklamasiga zo‘r bergan. Emishki, tish do‘xtirining qimmat muolajalarisiz ham atigi bir necha hafta ichida «yorqin tabassum»ga ega bo‘lish mumkin. Biroq ekspertlar boshqacha fikrda: bunaqa pastalar nafaqat samarasiz, balki koni zarar.
Germaniyaning Kyoln shahridagi «Carree Dental» klinikasi stomatologi doktor Yoxen Shmidt: «Oqartiruvchi pasta tishdagi qahva yoki choy dog‘ini balki ketkazar, biroq tishni oqartirolmaydi», — deydi. Shmidt ehtiyotkorlikka chorlaydi: agar tish pastasidagi abrazivlik (RDA) 100 dan yuqori bo‘lsa, uni haftasiga ikki martadan ko‘p ishlatmaslik kerak.
Bunday pastalarni kunora ishlatish yaramaydi. Aks holda milklar shikastlanadi, emali yemirilgan tishlar g‘ovaklashib, sezuvchanligi oshib ketadi.
Pastaning tish uchun zararli ekanini uning tarkibida ko‘rinuvchi zarralar borligidan ham payqash qiyin emas. Shmidtning aytishicha, bunday pastalar aks ta’sir qilib tishning rangini buzishi ham hech gapmas.
Yaxshisi, uglerodli tish pastalarini ishlating. Ularning tarkibidagi faollashtirilgan ko‘mir tishlar yuzasidagi yangi dog‘larni bezarar ketkazadi. To‘g‘ri, «ko‘mir pasta» tishni oqartirmaydi, ammo qahva va choy dog‘lariga qarshi kurasha oladi.
Stomatologlar uy sharoitida tishlarni oqartirishga ham qarshi. Chunki xonaki usulda ishlatiladigan iste’mol sodasi yoki limon sharbati ham emalni yemirib, tishlarning sezuvchanligini oshirib yuboradi.
Manba: Xabar.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Yana ikki xorijiy kompaniya O‘zbekistonda pullik avtomobil yo‘li qurishga qiziqyapti
Ruslanbek Jiyanov: "Yaponiya terma jamoasi bilan ikki yil avval ham to‘qnash kelganmiz"
SSKA ustozi Fedotov Abbos Fayzullayevning jamoaga qaytgani haqida nima dedi?
Tbilisidagi namoyishlar: politsiya qalampir gazidan foydalandi
Kuleba Rossiya qachon muzokaralarda ishtirok etishi mumkinligi haqida gapirdi
Navoiyda avtomashinasiga sirena o‘rnatib harakatlangan haydovchiga chora ko‘rildi
O‘zbekistonda qaysi davlatlarning kapitali ishtirokidagi korxonalar soni ko‘p?