“Buni keyinroq bajararman. Ertaga qilsam-chi? Yo indinga qoldiraymikan?..” Bu gaplarni qanchalik ko‘p ishlatasiz? Har kuni?! Axir o‘sha “keyin” ham qachondir kelishi kerak-ku! Xuddi ayoliga uydagi yumushlarni bajarishga va’dabozlik qilgan multfilm qahramoni kabi uyingizdagi buyumlardan tog‘ paydo bo‘lib, qulab tushishi mumkin. Xo‘sh, nima qilish kerak?
1. Nimani yo‘qotayotganingizni o‘ylab ko‘ring. Til o‘rganishni orqaga surayapsizmi? Unda sizni xorijga xizmat safariga yuborishmaydi. Ovqatni kechiktirsangiz, yo‘q joydan janjal chiqib, ko‘ngil xira bo‘ladi.
2. O‘zingizga stimul toping. Atrofingizga nazar tashlang: tengqurlaringiz sizdan o‘zib ketibdi-ku! Hasadingiz kelayaptimi? Unda ishlang.
3. Diqqatingizni chalg‘itmang. Kompyuterda muhim hisobotni tayyorlashingiz kerakmi, “butun dunyo o‘rgimchak to‘ri”ga ilinmaslikka harakat qiling. Avval ishni bajaring, qolgani kutib turadi.
4. Oldingizda turgan ishlar juda ko‘p bo‘lsa, ularni qismlarga bo‘lib, eng osonidan boshlang. Yoki aksincha, eng qiyin ishni bajarib bo‘lgach, qolgani cho‘t bo‘lmay qoladi.
5. Siz ishlayotganda o‘zgalar bezovta qilmasligini ta’minlang. Telefon, turli gurunglar odamni ishdan chalg‘itadi. Ularga berilmaslik tadbirlarini ko‘ring.
6. O‘zingizga ish yig‘mang. Masalan, ba’zi ishlar (misol uchun, idish yuvish)ni o‘sha zahoti qilgan ma’qul. Chunki tartib o‘rnatishdan ko‘ra uni saqlab turgan osonroq.
7. O‘zingiz kabi o‘zgarishni istayotgan hamfikrni toping. Bir-biringizga erishgan eng kichkina yutuqlarni-da gapirib berishga kelishib oling. Shunda o‘zingizni avval o‘rtog‘ingizga, so‘ng boshqalarga tan oldirish uchun kattaroq ishlarni bajarishga rag‘batlantirasiz.
Maslahatlarni shu joyigacha o‘qib tugatdingizmi? Demak, dangasalik zanjirini uzishni boshlabsiz. Endi reja asosida ishlarni taqsimlang. Natijalar ko‘zga tashlanishi bilan yutuqlarni o‘zingizga o‘zingiz sovg‘a qilib mustahkamlang.
Manba: Sof.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Navoiyda YPX xodimlari ko‘z oldidagi qoidabuzarlikka ko‘z yumdi
Saudiyadagi forumda G‘azo urushi muhokama qilindi: «Isroilni to‘xtata oladigan yagona davlat – AQSH»
OAV erkinligi reytingi: Dunyodagi vaziyat - oxirgi 10 yildagi eng yomoni
Zaporoje viloyatining Rabotino shahri shimolida Rossiya bayrog‘i ko‘tarildi
AQSH Rossiyani Ukrainaga qarshi kimyoviy qurol qo‘llaganlikda aybladi
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Keksayganda ham yosh ko‘rinish uchun qanday hayot tarzini kechirish kerak?