Siz muvaffaqiyatsizlikka uchradingiz. Endi hammasini boshidan boshlash zarur. Aytadilar-ku: Oson yo‘lni tanlama, deb. Bu hikmat bezish yaytilmagan. Ya’ni, turli to‘siqlar va qarama-qarshiliklar inson fe’l-atvorini hamda muvaffaqiyatga intilishini shakllantiradi.
Omadsizligingizdan nolib, kayfiyatingizni tushirmang. Dushmanlaringizni quvontirib, qovog‘ingizni uyub olmang. Men bilgan har bir yutuq odamlarning omadsizligidan kayfiyati tushib, dangasalik bilan yonboshlab yotib olishidan boshlangan. Chunki hayotining bu davrida sharoitdan kelib chiqib odamlar muvaffaqiyatining asosi bo‘lmish mahorat, qobiliyat, xohish va qat’iyatini ishga soladi. O‘zining hozirgi yashash sharoitiga qoniqmaslik ko‘zi bilan qarab, hayotini o‘zgartirishga ahd qilgan odam go‘yoki hammaga eshittirib: «Omadsizlik va kamsitishlardan to‘ydim, ularga boshqa chidamoqchi emasman!», deb baqirgandek bo‘ladi. Shunda vaqt, taqdir va vaziyat ortga chekinadi.
Afsuski, omadsizlik davrida bir to‘da yolg‘onchi va dangasalik kasaliga uchraganlar safiga o‘zini otadiganlar ham yo‘q emas. Ular behafsala, beg‘am, ishyoqmaslar bo‘lib, omad kelishini kutib, istagan maqsadiga erisholmaganlari uchun o‘zga kishilarni, mavjud muhitni ayblashadi. Mag‘lubiyatlariga o‘zlari sababchi ekanligini tan olgisi kelmaydi. Oqibatda, «Kambag‘alning ishi nolish, ikki yonboshida bolish», deb ataluvchi beg‘am odamlarning soni ortadi.
Lekin… hayot davom etadi. Garchi siz hozir mag‘lubiyat alamini totib turgan bo‘lsangiz ham. Olam ertaga tongda uyg‘onib, hech narsa bo‘lmaganday yo‘lida davom etadi. Sizning muvaffaqiyatsizligingiz vaqtinchalikdir. Qaytadan oyoqqa turganlar haqida esa kitoblar yozib, ko‘klarga ko‘tarib «Omadli odam», deydilar. Hech kim o‘sha baxtli odamning omadga erishishi yo‘lida chekkan zahmatlarini bilmaydi.
Shu lahzadan boshlab to umringiz oxiriga qadar mukammallik sari intilishni o‘z oldingizga maqsad qilib qo‘ying. Siz omadga erishish uchun muvaffaqiyatga erishish yo‘lini tanlaganingizni unutmang. Qo‘yingki, dunyoga bir marotaba kelib, unda bir bor yashaysiz. Keling, o‘xshashi yo‘q, go‘zal va shirin bu hayotda faqat va faqat omadli bo‘lib yashaylik!
Manba: Mulohaza.uz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mashhur kosmetolog Krishtianu Ronalduni sudga berdi
BAAda isroillik rohibning o‘limida gumonlanayotgan o‘zbekistonliklar ushlandi
Bog‘, sayilgoh va xiyobonlarni xususiylashtirishni taqiqlovchi hujjat loyihasi ishlab chiqildi
Qirg‘iziston budjetiga korrupsionerlardan misli ko‘rilmagan miqdorda mablag‘ qaytarildi
Britaniyada davlat idoralari o‘z xodimlariga mamlakat bo‘ylab parvozlarni taqiqlashni boshladi
Isroillik ravvinni o‘ldirishda gumonlangan uch kishi ushlandi
Rossiya Ukrainaga “zudlik bilan” mahbuslarni almashishga tayyorligini bildirdi
Netanyaxu Livanda o‘t ochishni to‘xtatishga rozi bo‘ldi
