Yoshgina ayol tuxum sotayotgan kampirdan tuxumning narxini soʻradi.
Kampir: “Donasi 500 soʻmdan”, deb javob berdi.
"2500 soʻmga oltita tuxum berasizmi”, salkam qarzini soʻraganday balandroq ovozda dedi ayol va qoʻshimcha qildi: “Boʻlmasa, ketaman-da, boshqa joydan ham olaveraman”.
Keksa kampir bir muddat dam tuxumlarga, dam ayolga qaradi-da: "Mayli, olaqoling, ertalabdan beri bittayam sotolganim yoʻq, harna sotilgani”, deb tuxumlarni xaltaga solib berdi.
Ayol goʻyo katta gʻalaba qilgandek, tuxumlarni va sumkalarini koʻtarib mashinasi turgan joyga qarab yurdi. Yangigina avtomobilga oʻtirib, dugonasi bilan uchrashishi belgilangan restoranga keldi. Dugonalar koʻngillari tusagan taomlardan yeb, xohlagan ichimliklarni ichib, maza qilishdi. Turib ketishayotganda, hisob keltirishdi. Haligi ayol hisobda koʻrsatilgandan ortiqcha pul berib, “qaytimi kerakmas”, degandek qoʻli bilan ofitsiantga imo qilib qoʻydi .
Bu voqea restoran xoʻjayiniga arzimagan foyda keltirgan boʻlsa-da, tuxum sotayotgan kampirga katta zarar edi.
Nega biz kuchimizni ojizlardan narsa sotib olayotganda koʻrsatamiz? Nima uchun bizning saxiyligimizga muhtoj boʻlmagan odamlarga xayr qilgimiz kelib qoladi? Nega toʻy-hasham, maʼrakalarda oʻziga toʻq odamlarga boshqa joy, boshqacha dasturxon koʻrsatiladi-yu oddiy xalqning oʻrni boshqa boʻladi?
Ilgari qayerdadir oʻqigandim:
"Mening otam muhtoj odamlarning sotayotgan narsasini kerak boʻlmasa ham soʻraganidan ortiq narxda sotib olardi. Men undan buning sababini soʻrasam: “Mana shu haqiqiy oliyjanoblik”, deb javob bergandi.
Yoqub Umar tarjimasi
Manba: Azon.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Rossiyada amerikalik askar o‘g‘rilikda ayblanib qo‘lga olindi
Surxondaryoda Telegram orqali arzon mahsulot sotishini aytib, o‘zganing pulini o‘zlashtirgan shaxs ushlandi
O‘zbekistonda korrupsiyani kamaytirishga qaratilgan 7 mln yevrolik tashabbus boshlandi
Xalqaro moliya bozori sharhi: oltin va neft arzonlashdi
Olimpiadaga chiqqan futbolchilar qancha mukofot pullari olgani ma’lum bo‘ldi
2024 yil yozida Ukrainadagi urush va Rossiyaning yurishi qanday bo‘ladi?
