Qora nondan voz kechmaslik uchun muhim sabablar

Koʻpchilik parhezlar uglevodlarni (bunga non ham kiradi) cheklashga asoslangan. Haqiqatan ham shirin kulcha va oq nonlar vaznni oshirishga yordam beradi. Lekin qora va javdari nondan butunlay voz kechish yaramaydi. Buning sabablari bilan tanishing.

Kletchatkalarga boy

Organizmga koʻpincha, ayniqsa qishda kletchatkalar yetishmaydi. Kletchatka organizmda vaznni nazorat qilib turuvchi toʻqlik hissini uygʻotadi. Bir boʻlak qora non tarkibida uch grammgacha kletchatka mavjud.

Yurak uchun foydali

Non tarkibida qondagi insulin miqdorini va yurak-tomir kasalliklari xavfini kamaytiruvchi B guruhiga mansub boʻlgan koʻplab vitaminlar bor.

Vitaminlar

Non tarkibidagi tiamin, riboflavin, niatsin tanaga uglevodlarni parchalashda va energiyaga aylantirishda yordam beradi. B6 vitamini asab tizimi faoliyatiga, foli kislotasi esa organizmning tiklash faoliyatiga yordam beradi.

Energiyani oshiradi

Meva va sabzavotlar kabi qora non ham murakkab uglevodlarga kiradi. U ancha vaqtda hazm boʻladi va qondagi qand miqdorini ushlab turadi.

Temir moddasiga boy

Temir qon hujayralariga kislorod yetkazish jarayonining bevosita ishtirokchisi hisoblanadi. Bu elementning yetishmasligi oqibatida anemiya, charchoqlik va nafas qisish kasalliklari kelib chiqadi.

Kaloriyasi katta emas

Sendvich bilan nonushta qilishdan unchalik qoʻrqmasangiz ham boʻladi, chunki kaloriyasi unchalik koʻp emas.

Tayyorlash qiyin emas

Sendvich va buterbrodlar — eng qulay yegulik (lanch) hisoblanadi. Ularni bemalol uyda tayyorlashingiz va ishda yoki yoʻlda yeyishingiz mumkin.

Juda mazali

Parhezingizdan sizga yoqadigan oziq-ovqatlarni butunlay chiqarib tashlash yaramaydi. Shuni esda tutingki, oʻzingizni qancha koʻproq chegaralasangiz shuncha koʻp yeb qoʻyasiz.

Manba: Sof.uz “Zamin” yangiliklarini “Vkontakti”da kuzatib boring