Asosan nafas yo‘llari kasalliklarida tavsiya qilinadigan asalli sutning boshqa ko‘plab foydali xususiyatlari borki, bu ichimlik bilan do‘stlashsangiz sog‘ligingizning tashvishini qilmasangiz ham bo‘ladi.
Terini yoshartiradi!
Asal va sut kasallik qo‘zg‘atuvchi viruslar bilan kurashadi. Ikkisining bir paytda qabul qilinishi organizmni tetiklashtirib, immunitetni rag‘batlantiradi. Kunora bir stakan asalli sut ichishga odatlansangiz, yuz teringiz quruqlashib qolmaydi. Negaki foydali ichimlik teri kataklarini ichkaridan oziqlantiradi.
Hazm a’zolarida muammo bormi?
Asal me’da faoliyati uchun zarur bo‘lgan prebeotikdir. Uning iste’molidan so‘ng oshqozon mikromuhitida foydali bakteriyalar stimullashadi. Hazm a’zolarida muammo bo‘lsa, ertalab nonushta qilishdan oldin bir choy qoshiqda asalni yeng-da, iliq sut ichib oling.
Madorsizman, deysizmi...
Har kuni ertalab och qoringa bir stakan asalli sut iching. Sutdagi oqsil hamda asaldagi uglevod organizmingizni quvvatlantirib, jismoniy faolligingiz ortadi. Kun davomida o‘zingizni tetik sezasiz.
Bo‘g‘imlarda og‘riq bo‘lsa...
Sutda kalsiy moddasi bor, asal esa kalsiyning organizmga singishida yordam beradigan mikroelementlarga boy. Demakki, bu ikki mahsulot birga ichilsa, suyaklar keraklicha oziqlanadi. Shuningdek, bo‘g‘im xastaliklarida ham asalli sut ichiladi.
Uyqusizlikmi? Chorasi bor!
Har oqshom bir stakan issiq asalli sut iching. Asal organizmni tinchlantiradi, sut esa oshqozondagi og‘irlikni bartaraf etadi. Tanangizdagi yengillik sizni asta uyquga elita boshlaydi.
Erta keksayishni istamasangiz...
...asalli sut iching. Totli ichimlikdagi antioksidantlar erkin radikallar bilan kurashadi. Buning natijasida esa organizm keksayish jarayonini sekinlashtira oladi.
Asalli sut tayyorlash uchun bir stakan sut va 1 – 1,5 choy qoshiq asal kerak bo‘ladi. Ichimlik iliq holatda qabul qilinadi. Ushbu usul asalga allergiyasi borlar uchun tavsiya etilmaydi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
