Er va ayoli 60 yil baxtli hayot kechirishdi. Ularning bir-biridan yashiradigan sirlari yo‘q edi. Faqatgina ayol butun umri davomida bitta sirni yashirib keldi. Shkafining bir chekkasida quti turar va ayol eridan o‘sha qutini ochib qaramaslikni iltimos qilgan edi. Er ham ayolining iltimosini bajo keltirib, qutichani ochib ko‘rmadi. Qarib qolgan ayol sirini ochishga qaror qildi va eridan qutichani olib kelishini so‘radi…
Qutini olib kelib, ochgan er ichida ikkita to‘qilgan o‘yinchoq va anchagina pul borligiga guvoh bo‘ldi.
– Bu nima? – deb so‘radi xayron qolib er.
– Bilasanmi, to‘yimizdan oldin suyukli buvijonim menga baxtiyor oila bo‘lish sirini o‘rgatgan edilar. Buvijonim: “Agar baxtli hayot kechirishni istasang, tilingni tiy. Agar eringdan jahling chiqsa, u bilan tortishma. Mana bu moslamalar mendan senga sovg‘a. Jahling chiqib, janjalga yo‘l ochilayotganini ko‘rsang, darrov o‘tirib biron o‘yinchoq to‘qi”, – degan edilar.
Erning ko‘zlari beixtiyor yoshlandi, axir qutida ikkitagina o‘yinchoq bor edi. Lekin u ayolini ranjitgan paytlari bundan anchagina ko‘p bo‘lganini bilar edi. Shunda u:
– O‘yinchoqlarniku tushundim. Mana bu pullar qayerdan keldi? Axir mendan pul yashiradigan odating yo‘qligini bilamanku! – dedi.
– Bu pullar to‘qigan o‘yinchoqlarimni sotilishi evaziga yig‘ilgan…
Xulosa o‘zingizdan… Har qanday holat bo‘lmasin biz tilimizni tiya olyapmizmi?!
Shahnoza Olimboy qizi tarjimasi
Manba: O‘MI Toshkent viloyati vakilligi “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Ko‘p kvartirali uylarda «kvartplata»ning eng kam miqdori tasdiqlandi
Turk seriallari yulduzi Demet O‘zdemirning Istanbuldagi shinam villasiga sayohat
Biologik faol qo‘shimchalar mutlaqo zararsizmi?
Sof quyma oltin sotayotgan shaxslar qo‘lga tushdi
Makron fransuz qo‘shinlarini Ukrainaga yuborish shartlarini aytdi
Qozog‘istonda sobiq ichki ishlar vaziri qo‘lga olindi
Har bir qizning orzusi: turk seriallaridagi eng chiroyli 4 ta to‘y