Garvard universiteti olimlari yuz mingdan ziyod kishini qamrab olgan keng miqyosli tadqiqot oʻtkazdilar va tarkibida shakar boʻlgan ichimliklarni isteʼmol qilish yurak-qon tomir kasalliklari hamda saratondan oʻlim holati xavfini oshirishini isbotladilar. Shu bilan birga, bir kunda shakar oʻrnini bosadigan moddaga ega ichimlikni toʻrt stakan yoki undan koʻproq isteʼmol qilish ayollarda oʻlim xavfi darajasini oshiradi. Bu haqda MedicalXpressʻga tayanib Kun.uz xabar berdi.
Mutaxassislar 1980-2014 yillarda 80 647 ayol va 1986-2014 yillarda 37 716 erkak kishi ishtirokida olingan maʼlumotlarni tahlil qilishdi. Koʻngillilar oʻz turmush tarzini baholash uchun soʻrovdan oʻtishdi, ularning salomatligi holati esa har ikki yilda aniqlandi.
Maʼlum boʻlishicha, tarkibida shakar mavjud boʻlgan ichimliklarni bir oyda bir donadan toʻrt donagacha isteʼmol qilish erta oʻlim xavfini 1 foizga, haftada ikki donadan olti donagacha - 6 foizga, kuniga bir donadan ikki donagacha - 14 foizga, kuniga ikki dona yoki undan koʻproq ichish - 21 foizga oshiradi. Shu bilan birga, ichimliklar va oʻlim koʻrsatkichlari oʻrtasidagi bogʻliqlik ayollarda erkaklarga qaraganda koʻproq namoyon boʻlgan.
Erta oʻlimning asosiy sababi yurak-qon tomir kasalliklari boʻlib chiqdi. Shirin ichimliklarni koʻp isteʼmol qilganlarda bunday yakunning yuzaga kelish ehtimoli 31 foizni tashkil etdi. Har bir qoʻshimcha ichimlik xavfni yana 10 foizga oshirgan. Tarkibida shakar boʻlgan ichimliklarni shakar oʻrnini bosuvchi moddalarga ega ichimliklarga almashtirish oʻlim xavfini sezilarli darajada qisqartirgan, ammo ularning haddan ortiq isteʼmoli (kuniga toʻrt marta) hayot davomiyligining pasayishiga ham olib kelgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
