Kecha, 16 noyabr kuni Moskvada Afg‘oniston bo‘yicha Moskva formatining to‘rtinchi yig‘ilishi bo‘lib o‘tdi. O‘tgan yilgidan farqli o‘laroq, bu uchrashuv Moskva va «Tolibon» yuqori rasmiylari ishtirokisiz o‘tgan.
Joriy yilda uchrashuv davlatlarning Afg‘oniston, xususan, Rossiya, Xitoy, Pokiston, Eron, Hindiston, Turkiya, Qatar, BAA, Saudiya Arabistoni, Qozog‘iston, O‘zbekiston, Turkmaniston va Qirg‘iziston bo‘yicha maxsus vakillari darajasida bo‘lib o‘tdi.
O‘zbekiston Prezidentining Afg‘oniston bo‘yicha maxsus vakili Ismatulla Irgashev Afg‘onistonni qayta izolyatsiya qilish, uni mavjud muammolar bilan yolg‘iz qoldirish, albatta, butun mintaqaviy va xalqaro xavfsizlik tizimi uchun salbiy oqibatlarga olib kelishini ta’kidladi.
– Biz uning yakkalanib qolishiga va 2000 yillardagi kabi holatning takrorlanishiga yo‘l qo‘ya olmaymiz. Jahon hamjamiyatidagi boshqa mamlakatlardan farqli o‘laroq, mintaqa afg‘on muammolaridan xalos bo‘la olmaydi, – deydi Ismatulla Irgashev.
U, shuningdek, O‘zbekiston uzoq vaqtdan beri Afg‘onistonning barcha ichki siyosiy kuchlari, shuningdek, Tolibon harakati bilan teng huquqli munosabatlar o‘rnatib kelayotganini ta’kidladi.
O‘zbekiston prezidentining Afg‘oniston bo‘yicha maxsus vakili so‘zlariga ko‘ra, «Tolibon» yuk tashish uchun yetarlicha xavfsizlikni ta’minlab bermoqda.
– Eng muhimi, amaldagi hokimiyat xalqaro hamjamiyat talablariga rioya qilishi kerak, – deydi Irgashev. – Bu hozirgi vaziyatdan chiqishning yagona yo‘li. Shu bilan birga, Toshkent Afg‘onistonning boshqa qo‘shnilaridan mintaqa transport tizimini rivojlantirish bilan bog‘liq “taxminan 5-6 milliard dollarlik moliyalashtirishga ega mega loyiha”ni amalga oshirayotgani bilan ajralib turadi. Gap Afg‘onistonning Mozori Sharif va Kobul shaharlari orqali O‘zbekistonning Termizidan Pokistonning Peshovariga olib boriladigan temir yo‘l haqida ketmoqda. Ushbu yo‘l qurilishi taxminan 3-5 yil davom etadi.
Irgashev, shuningdek, iqtisodiy manfaat Afg‘onistondagi hozirgi hukumatning ichki siyosatiga bo‘lgan yondashuvlarini o‘zgartirishini taxmin qiladi. Mamlakat esa Markaziy va Janubiy Osiyo o‘rtasidagi o‘ziga xos quruqlik ko‘prigiga aylanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tramp 2017 yilda Putindan Ukraina bo‘yicha maslahat so‘ragan ekan...
Shimoliy Koreya «yangi davr» boshlanganini e’lon qildi
Eron oliy rahbari Isroil bo‘ylab raketa zarbasini qanday izohladi?
Ukraina harbiylari Rossiya uchun "kutilmagan xabar" bilan portlamaydigan minalar o‘rnatdi
Argentina Malvin (Folklend) orollarini qaytarib olmoqchi
KXDR Ukrainadagi urush uchun Rossiyaga snaryadlar yetkazib bermoqda
Harvard talabalari smart ko‘zoynak yordamida begonalarning shaxsini aniqlashga muvaffaq bo‘ldi
Ramzan Qodirov urush ehtiyojlari uchun Rossiyaga 100 ta “Jihod mashinasi”ni berdi