Uzum 2024 yilda bdjetga 1,2 trillion soʻm soliq toʻladi

^{Foto: Daryo}
Uzum milliy raqamli ekotizimi 2024 yilda Oʻzbekiston byudjetiga qariyb 1,2 trillion soʻm (94,8 million dollardan ortiq) mablagʻ oʻtkazib, mamlakatdagi eng yirik xususiy soliq toʻlovchilardan biri boʻldi. Ekotizim soliq toʻlovlari hajmi boʻyicha Oʻzbekistondagi xususiy kompaniyalar orasida ikkinchi oʻrinni egalladi. Shu bilan birga, yil davomida Uzum’ning soliq toʻlovlari miqdori 28 foizga oshdi. Bu Oʻzbekiston byudjeti daromadlarining 0,3 foizini ta'minladi, deb xabar bermoqda Kun.uz.

Shu bilan birga, yil davomida ekotizimning soliq ajratmalari miqdori 28 foizga oshdi va Oʻzbekiston byudjeti barcha daromadlarining 0,3 foizini ta'minladi.

2024 yilning oxiriga kelib Uzum ekotizimi xizmatlaridan Oʻzbekistonning har uchinchi fuqarosi foydalangan. Ekotizim mahsulotlari ustida butun mamlakat boʻylab 11 mingdan ortiq xodim ishlaydi, Uzum esa IT sohasida ish oʻrinlarini faol yaratmoqda, shuningdek, mamlakatning barcha hududlarida yoshlarning kasbiy oʻsishi uchun imkoniyatlar taqdim etmoqda. Oʻtgan yili kompaniya 3000 ga yaqin yangi ish oʻrinlarini yaratdi. Bunda Uzum hamkorlaridagi ish oʻrinlari hisobga olinmagan.

Bundan tashqari, Uzum xizmatlari va infratuzilmasidan oʻz biznesini rivojlantirish uchun foydalanadigan hamkorlarda ham yangi ish oʻrinlari paydo boʻlmoqda. Bular Uzum Market milliy marketpleysida tovarlarni sotuvchi tadbirkorlar, Uzum Tezkor etkazib berish xizmati bilan hamkorlik qiluvchi restoranlar, kafe, doʻkonlar va boshqalardir. Shunday qilib, raqamli ekotizimning rivojlanishi bilan butun mamlakat boʻylab kichik va oʻrta biznesni rivojlantirish uchun yangi imkoniyatlar vujudga kelmoqda.

"Uzum raqamli xizmatlari Oʻzbekistonda kichik va oʻrta tadbirkorlikni qoʻllab-quvvatlash va rivojlantirishda muhim rol oʻynaydi. Bizning qarorlarimiz tufayli minglab tadbirkorlar oʻz bizneslarini rivojlantirish va kengaytirish uchun zamonaviy vositalardan foydalanish imkoniyatiga ega boʻlmoqda. Biz millionlab odamlar uchun yangi imkoniyatlar yaratib, mamlakat iqtisodiyotini rivojlantirishga sarmoya kiritishda davom etmoqdamiz, — deydi Uzum ekotizimi asoschisi va CEO Jasur Jumayev. — Mamlakatimizda biznes uchun fintech xizmatlari va elektron tijoratni rivojlantirish orqali biz iqtisodiyotni oqartirish va soliq tushumlarini oshirishga hissa qoʻshamiz. Biz Oʻzbekistonni xalqaro investitsiya va IT hamjamiyati uchun yana-da jozibador qilish orqali mamlakatimiz ravnaqi va taraqqiyotiga hissa qoʻshayotganimizdan faxrlanamiz".

Uzum haqida

Jismoniy shaxslar, kichik va oʻrta biznes uchun fintech, e-commerce va bank xizmatlarini birlashtirgan Oʻzbekiston raqamli ekotizimi: marketpleys, tezkor etkazib berish xizmati, klassik va raqamli banklar, BNPL-xizmati, avtomobil sotib olish platformasi, shuningdek, tadbirkorlar uchun ilova. Uzum xizmatlaridan har oyda Oʻzbekistonning 13 milliondan ortiq aholisi foydalanadi. “Zamin” yangiliklarini “Telegram”da kuzatib boring