O‘zbekiston va Rossiya noyabr oyi oxiriga qadar “Yashil yo‘lak” tizimi tashkil qilish borasidagi shartnomalarni imzolashi kerak. Bu haqda bugun Toshkentda bo‘lib o‘tayotgan meva-sabzavot yarmarkasi davomida bosh vazir o‘rinbosari Ulug‘bek Ro‘ziqulov ma’lum qilgan.
Sputnik agentligi xabariga ko‘ra, ushbu tashabbus O‘zbekistondan Rossiyaga olib kelinayotgan oziq-ovqat mahsulotlarini bojxona va fitosanitar nazoratdan o‘tkazish jarayonini osonlashtirishi va tezlashtirishi ko‘zda tutilgan.
“Rossiya Federasiyasi hukumati bilan hamkorlikda biz “yashil yo‘lak” loyihasini amalga oshirmoqdamiz. Ushbu tizim O‘zbekistonda etishtirilayotgan ho‘l va quritilgan meva-sabzavot mahsulotlarini Rossiyaning turli hududlaridagi xaridorlarga etkizib berish jarayonini tezlashtirib mahsulot hajmini oshirishi kerak”, — degan Ro‘ziqulov.
Uning so‘zlariga ko‘ra, noyabr oyining oxiriga qadar ushbu loyiha borasida kerakli hujjatlar imzolanishi kerak. Rossiya bozorida O‘zbekistonning asosiy hamkorlari sifatida "Sibirskiy alyans", "Magnit", "Perekrestok", "Agrolayn" va X5 Retail Group korxonalari bilan muzokaralar olib borilmoqda.
“Oxirgi yillarda O‘zbekistondan Rossiya va qo‘shni mamlakatlarga to‘g‘ridan-to‘g‘ri etkizib berilayotgan meva-sabzavotlar hajmi 3 baravar oshdi. Taqqoslash uchun, Janubiy Koreyaga – 5 baravar, BAAga – 1,8 baravar, Germaniyaga – 1,6 baravar.
Yil yakunlariga ko‘ra O‘zbekistondan meva-sabzavot eksporti hajmi 1,4 baravar oshishi kutilmoqda”, — dedi bosh vazir o‘rinbosari.
Ro‘ziqulovning aytishicha, 2016 yilning 10 oyi davomida O‘zbekiston 700 ming tonna qishloq xo‘jalik mahsulotlari eksport qildi. Yil oxiriga qadar ushbu ko‘rsatkich 1 million tonnaga etkizilishi kutilmoqda.
Eslatib o‘tamiz, 2016 yilning 9 oyida O‘zbekistonda 2,3 million tonna kartoshka, 8,2 million tonna boshqa sabzavotlar, 1,5 million tonna poliz mahsulotlari, 1,2 million tonnadan ortiq uzum va 2 million tonnadan ortiq boshqa mevalar etishtirildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ukraina Kursk oblastida egallab olgan hududlarining 40 foizdan ortig‘ini yo‘qotdi
