«Respublika hududlarida mikro gidroelektr stansiyalari tarmog‘ini rivojlantirish bo‘yicha qo‘shimcha chora-tadbirlar to‘g‘risida»gi prezident qarori qabul qilindi.
Qarorga ko‘ra, 2025–2026 yillarda Respublika hududlarida mikro gidroelektr stansiyalari tarmog‘ini rivojlantirishning asosiy maqsadli ko‘rsatkichlari etib quyidagilar belgilandi, jumladan:
- jami quvvati 164 MVt bo‘lgan 2 983 ta mikro GES qurish va yiliga 500 mln kVt/soat ekologik toza elektr energiyasini ishlab chiqarish;
- yangi mikro GES ishga tushirish hisobiga 280 mingta aholini elektr energiyasi bilan ta’minlash;
- qurilish davrida 1200 nafar ishchining bandligini ta’minlash va loyihalar ishga tushgandan keyin 520 ta doimiy ish o‘rni yaratish.
2025 yil 1 maygacha loyiha hujjatlariga asosan mikro GES qurish uchun tanlab olingan yer uchastkalari belgilangan tartibda Energetika vazirligiga ajratiladi.
Energetika vazirligi ajratilgan yer uchastkalari loyiha tashabbuskorlariga mikro GES qurish va ishga tushirish uchun 20 yil muddatga ijaraga berilishini ta’minlaydi.
Bundan tashqari, kichik va mikro gidroelektr stansiyalari loyihalarini amalga oshirish guruhi tashkil etiladi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
