Milliy statistika qo‘mitasi 2025-yilning yanvar—oktyabr oylarida mamlakatda chakana savdo aylanmasi 356,6 trillion so‘mga yetganini ma’lum qildi. Bu ko‘rsatkich o‘tgan yilning mos davriga nisbatan 10,3 foiz yuqori darajani qayd etdi.
1-noyabr holatiga ko‘ra, sohada 85 585 ta tijorat korxonasi faoliyat yuritgan. Ushbu davrda ulgurji savdo aylanmasi ham o‘sish qayd etib, 393,9 trillion so‘mga yetdi — bu 2024-yilga nisbatan 12,2 foiz ko‘pdir. Korxonalar soni 50 763 taga yetgan.
Oktyabr oyida ikkilamchi bozorda elektromobillar savdosi 15 foizga oshgani ma’lum qilingan. Barcha turdagi avtotransport savdosi respublika bo‘ylab 112,5 ming donaga yetgan.
Toshkent shahrida esa bozor va savdo majmualarida bir qator xizmatlar uchun yangi tariflar joriy etilgani, jumladan avtoturargoh va tijoriy suratga olish xizmatlarida to‘lov tartibi yangilangani ma’lum qilindi.
“Zamin”ni Telegramʻda oʻqing!
