AQShning «The Heritage Foundation» tadqiqot markazi erkin iqtisodiyotga ega davlatlar reytingini e’lon qildi. Unda O‘zbekiston 51,5 ball bilan 152-o‘rindan joy oldi. Bu haqida «Sputnik» xabar berdi.
O‘tgan yilgi reytingda O‘zbekiston 166-o‘rinda (46 ball) joylashgandi.
Sobiq ittifoq davlatlari reytingda quyidagi o‘rinlarda joylashdi: Estoniya (7), Gruziya (16), Litva (19), Latviya (28), Qozog‘iston (41), Armaniston 44), Ozarbayjon (67), Qirg‘iziston (78), Moldova (105), Tojikiston (106), Rossiya (107), Ukraina (150), Turkmaniston (169).
Reytingning birinchi pog‘onasidan qatorasiga 24-marta Gonkong joy oldi.
Iqtisodiy erkinlik indeksi 1995 yildan buyon «Wall Street Journal» va «Heritage Foundation» tadqiqot markazi tomonidan e’lon qilib kelinadi. «Heritage Foundation» ekspertlari iqtisodiy erkinlikni «hukumatning tovar va xizmatlarni ishlab chiqarish, tarqatish hamda iste’mol qilish ishlariga aralashmasligi yoki to‘sqinlik qilmasligi, fuqarolar muhofazasi va erkinligini ta’minlash bundan mustasno» deya ta’riflashadi.
Iqtisodiy erkinlik indeksi ko‘rsatkichlari biznes, soliq, savdo, pul, investitsiya, moliya, mehnat munosabatlari erkinligi, mulk huquqining himoyalanganligi va hukumat aralashuvidan hamda korrupsiyadan xoli bo‘lish mezonlaridan kelib chiqib belgilanadi.
Ushbu indeks bo‘yicha mamlakatlar quyidagi guruhlarga bo‘linadi: erkin — 80−100 ball, asosan erkin — 70−79,9 ball, o‘rtacha erkin — 60−69,9 ball, asosan erkin bo‘lmagan —50−59,9 ball va bosim ostidagi iqtisodiyot — 0−49,9 ball. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Gruziya poytaxtida namoyishchilar va politsiya o‘rtasida to‘qnashuv yuz berdi
Fon der Lyayen Putinning «ishonli odamlari» bilan hamkorlikni istisno etdi
U-23 Osiyo kubogi. Norchayev finalda gol ursa, to‘purar bo‘lishi mumkin
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi
Makron Yevropaga tahdid solayotgan uchta xavf haqida gapirdi