Bugun, 2 iyul kuni “O‘zekspomarkaz”da “O‘zbekiston soliq siyosatining yangi konsepsiyasi» mavzusida Press-klub yig‘ilishi bo‘lib o‘tdi. Unda O‘zbekiston Respublikasi Bosh vaziri o‘rinbosari, moliya vaziri Jamshid Qo‘chqorov o‘z fiklarini bildirib o‘tdi.
“Prezidentimizning Soliq siyosatini takomillashtirish to‘g‘risidagi farmoni (O‘zbekiston Respublikasi Prezidentining “O‘zbekiston Respublikasining soliq siyosatini takomillashtirish konsepsiyasi to‘g‘risida”gi Farmoni. 2018 yil, 29 iyun. Tahr.) tarixiy ahamiyatga ega. Chunki u mamlakatimiz iqtisodiyotida yangi bir davrni boshlab beradi. Buning sababi shuki, bugungi kunga qadar ham O‘zbekiston soliq tizimida „Sovet davri“ unsurlari bor edi. Bu nimalarda ko‘rinadi, deb savol berilsa, soliqqa tortish hamma uchun barobar emasligi, bozor iqtisodiyotining bazaviy tamoyillarining inkor qilishini ko‘rsatish mumkin”, — deydi Jamshid Qo‘chqorov.
«Yangi farmon bilan soliq tizimida mavjud bo‘lgan eng yomon illatlar yo‘q qilindi. Birinchidan, ilgari korxonalarning tovar aylanmasidan olinadigan 3,2 foizlik majburiy to‘lovlar mavjud edi. Korxona rahbari foyda ko‘radimi, ko‘rmaydimi, buni to‘lashga majbur edi. Endilikda aylanma mablag‘dan olinadigan soliq bekor qilindi.
Ikkinchi masala, aholi daromadlarini soliqqa tortish hisoblanadi. Bizda mehnatga layoqatli aholi soni 13 million bo‘lsa, ulardan bor-yo‘g‘i 4,6 million nafari soliq to‘laydi. Endi qancha odam pensiya oladi deb so‘ralsa, ular soni 3,3 millionni tashkil etadi. Demak, 4,6 million odam 3,3 million pensionerning pensiyasini ta’minlab berishi kerak. Qo‘pol qilib aytganda, 1,5 ishchi bir pensionerni boqishi kerak. Bu kabi raqamlar Yevropaning eng qarib borayotgan davlatlariga xos ko‘rsatkich. Biz yosh davlat bo‘lsak ham, vaziyat shunday. Shuning uchun ham Prezident farmoni bilan ish haqi jamg‘armasidan soliq olish keskin kamaytiriladi. Bundan ko‘zlangan maqsad ish beruvchining ham, ishchining ham mehnatini yashirmasligini ta’minlash”, — deydi moliya vaziri. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyada amerikalik askar o‘g‘rilikda ayblanib qo‘lga olindi
Osvensimda minglab yahudiylar «Tiriklar marshi» aksiyasini o‘tkazdi
Messi “dahshatli” ko‘rsatkich qayd etdi (video)
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Ukrainada urushning 801-kuni: Odessadagi yong‘inlar va Chasiv Yar atrofida jang qilayotgan «Vampir»
O‘zbekistonning qaysi hududida parranda ko‘p boqiladi?
Messi amerikaliklarni hayratga solishda davom etmoqda
Isroil rasmiysi: “Isroil urushni to‘xtatmaydi”
