Buxoroda 25 ming dollar evaziga AQSH vizasini olib berishni va’da qilgan ayol ushlandi

Buxoroda o‘zgadan AQSHga yuborish uchun viza olib berish hamda ishga joylashtirish evaziga pora talab qilgan ayol ushlandi. Bu haqda Buxoro viloyati IIB axborot xizmati xabar berdi.

Qayd etilishicha, Buxoro viloyati huquqni muhofaza qiluvchi organlar xodimlari bilan hamkorlikda tezkor tadbir o‘tkazilgan. Tadbirda Buxoro shahar “Navro‘z” mahallasida yashovchi 43 yoshli G‘.D. ismli ayol boshqa bir fuqaroni aldab, ishonchini suiiste’mol qilib, uni AQSHga ishga yuborish uchun vakolatli tanishlari orqali viza olib berish hamda AQSHda yashovchi tanishlari orqali ishga joylashtirib qo‘yishni va’da qilgani aniqlangan.

Ayol “o‘z xizmati” evaziga 25 ming dollar miqdorida pul talab qilgan. U 21 iyun kuni soat 13:30 larda o‘zi yashab kelayotgan Buxoro shahar Mustaqillik ko‘chasida joylashgan ko‘p qavatli uylardan biridagi xonadonida kelishilgan pulning 10 ming dollarini olgan vaqtida ashyoviy dalillar bilan ushlangan.

Mazkur holat yuzasidan fuqaro G‘.D. ga nisbatan Jinoyat kodeksining 168-moddasi (Firibgarlik) 4-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

Шухрат Раззаков

«ZAMIN.UZ» muharriri

Mavzuga oid yangiliklar

Sergey Lavrov rasmiy tashrif bilan Samarqandga keldi: qanday masalalar muhokama qilinadi?

Kecha, 23:52

Mashina o‘g‘irlashda gumonlangan sudya IIB binosida qiynoqqa solingani aytildi

Kecha, 22:51

Prezident farmoni bilan O‘zbekistonda to‘y va marosimlar tartibga solinadi

Kecha, 17:32

Maktab direktorining haqqi qayerda qoldi?

Kecha, 17:21

Xonanda Shirin Abdullayevaning otasi uning so‘nggi kunlari haqida so‘zlab berdi

Kecha, 16:35

Jizzaxda gaz ta’minoti bo‘limi xodimi qo‘lga tushdi

Kecha, 11:19