Farg‘ona viloyatida yirik miqyosdagi qalbaki pul aylanishiga chek qo‘yildi. Tezkor tadbir davomida yosh yigit 50 million so‘mlik qalbaki kupyurani 8 million haqiqiy so‘mga sotayotgan vaqtda qo‘lga olindi. Huquqni muhofaza qiluvchi organ xodimlari undan ashyoviy dalil sifatida qalbaki pullarni musodara qildi.
Tekshiruv jarayonida yigitdan jami 315,5 million so‘m qiymatidagi turli nominaldagi soxta so‘m kupyuralari, shuningdek, 120 ming AQSh dollari miqdoridagi qalbaki 100 dollarlik banknotlar topildi. Musodara qilingan pullar jinoyat yo‘li bilan muomalaga kiritish uchun tayyorlangani ma’lum bo‘ldi.
Ma’lumotlarga ko‘ra, ayblanuvchi qalbaki pullarni arzon narxda sotish orqali tez foyda olishni rejalashtirgan. Ammo uning harakatlari tezkor xizmatlar nazoratiga tushgan va muddatidan oldin fosh etilgan.
Hozirda ushbu holat bo‘yicha Jinoyat kodeksining tegishli moddalari asosida jinoyat ishi qo‘zg‘atilgan. Tergovchilar qalbaki pullar manbasini va jinoiy tarmoqda ishtirok etgan boshqa shaxslarni aniqlash bo‘yicha ish olib bormoqda. Mutasaddilar aholiga pul muomalasida, ayniqsa katta summadagi kupyuralarni qabul qilayotganda diqqat bilan tekshirishni tavsiya qilmoqda.
“Zamin”ni Telegramʻda oʻqing!
