Toshkentda qurilish krani qulashi bir ishchining o‘limiga sabab bo‘ldi

1 daqiqa o'qish970
Toshkentda qurilish krani qulashi bir ishchining o‘limiga sabab bo‘ldi

2025 yil 8 sentyabr kuni Toshkent shahrining Chilonzor tumani, Tirsakabod ko‘chasida joylashgan Do‘mbirobod City turar-joy majmuasi qurilish hududida fojeali holat sodir bo‘ldi. Montaj jarayonida qurilish krani og‘ib ketib, yerga quladi.

Sanoat, radiatsiya va yadro xavfsizligi qo‘mitasi rasmiy ravishda ma’lum qilishicha, yuk ko‘tarish minorali kranini montaj qilish paytida texnik talablarga to‘liq rioya qilinmagan. Dastlabki o‘rganishlarga ko‘ra, kranning tayanch oyoqlari poydevorga mustahkam qotirilmaganligi oqibatida, u keyingi qismni qo‘yish jarayonida muvozanatini yo‘qotgan.

Aynan shu sababdan, kranning ikki tayanch qismi ko‘tarilib ketib, butun inshoot og‘ir massasi bilan yerga quladi. Voqea paytida kran kabinasida bo‘lgan 25 yoshli operator — yollanma ishchi L.A. qattiq zarbadan jon berdi.

Shu bilan birga, montaj ishlarida ishtirok etayotgan 21 yoshli ikki ishchi — I.Q. va M.A. ham og‘ir jarohat olib, shifoxonaga yotqizildi. Ularga hozirda tibbiy yordam ko‘rsatilmoqda.

Favqulodda hodisadan so‘ng Sanoat, radiatsiya va yadro xavfsizligi qo‘mitasi Toshkent shahar boshqarmasi mutaxassislari ishtirokida maxsus komissiya tuzildi. Komissiya hodisa sabablarini chuqur o‘rganish va texnik tahlil qilish bilan shug‘ullanmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?