Denovda 15 yoshli qiz turmushga chiqdi

So‘nggi kunlarda ijtimoiy tarmoqlarda «15 yoshli qizni kim turmushga berdi?» sarlavhasi ostida tarqalgan xabarlarga Ijtimoiy himoya milliy agentligi rasmiy munosabat bildirdi, deb Kursiv.media xabar berdi.

Ma’lum qilinishicha, holat Surxondaryo viloyati, Denov tumanidagi Ozod mahallasida aniqlangan. 2025-yil iyul oyida mahalla yettiligi va ijtimoiy xodimlar bu holat qonunga zid ekanini bildirgan va oilaga ogohlantirish berilgan.

Biroq, 10-avgust kuni nikoh marosimi o‘tkazilgan. Mahalliy profilaktika inspektori tomonidan qonunchilikka muvofiq jarima qo‘llanilgan va aybdorlarga ma’muriy javobgarlik choralari belgilangan.

Hozirda ushbu qiz Denov tumanidagi kasb-hunar maktabida o‘qimoqda. Uning huquqlari va ta’lim jarayoni tegishli tashkilotlar tomonidan nazorat ostiga olingan.