Hukumat qarori bilan “O‘zbekistonda aholi va qishloq xo‘jaligi ro‘yxatga olishni tayyorlash va o‘tkazish tartibi to‘g‘risidagi nizom” tasdiqlandi, deb yozmoqda UzNews.uz sayti.
Nizomga binoan, aholini ro‘yxatga olish 2026-yil 15-yanvardan 28-fevralga qadar o‘tkaziladi. Rasman boshlanish sanasi 15-yanvar soat 00:00, jarayonning umumiy muddati esa 45 kun etib belgilangan.
Shaxsiy va qishloq xo‘jaligi ma’lumotlari to‘planadi, biroq ro‘yxatga olish sanasidan keyingi o‘zgarishlar hisobga olinmaydi. Masalan, 2026-yil 15-yanvardan keyin tug‘ilgan bolalar anketa shakllariga kiritilmaydi, ammo bu sanadan keyin vafot etgan shaxslar haqidagi ma’lumotlar qayd etiladi.
Quyidagi toifadagi shaxslar hisobga olinmaydi:
— mamlakatdan bir yildan ortiq chet elda bo‘lgan O‘zbekiston fuqarolari;
— xorijiy diplomatik vakolatxonalar, xalqaro tashkilotlar xodimlari va ularning oila a’zolari;
— xalqaro shartnomalarga binoan diplomatik imtiyozlarga ega shaxslar.
Har bir fuqaro o‘zining doimiy yoki vaqtinchalik yashash manzili bo‘yicha hisobga olinadi. Yashash joyi deganda, inson tunu kunining asosiy qismini o‘tkazadigan uy, kvartira yoki boshqa bino tushuniladi.
Eslatib o‘tamiz, aholi va qishloq xo‘jaligi ro‘yxatga olish to‘g‘risidagi Prezident farmoni 2025-yil sentyabr oyida imzolangan. Jarayon “mahalliy yettilik” tizimi xodimlari tomonidan planshetlar yordamida amalga oshiriladi.
“Zamin”ni Telegramʻda oʻqing!
