Andijonda 18 daraxt noqonuniy kesib tashlangani aniqlandi, deb UPL.uz xabar berdi.
Andijon viloyati Ekologiya, atrof-muhitni muhofaza qilish va iqlim o‘zgarishi vazirligi matbuot xizmatiga ko‘ra, Izboskan tumanida 30 yillik daraxtlar kesilgani haqidagi xabarlar ijtimoiy tarmoqlarda tarqalganidan so‘ng tekshiruv o‘tkazilgan.
Tekshiruv uchun maxsus ishchi guruh tuzilib, voqea Izboskan tumanidagi “Mirzo Ulug‘bek” MFYda, Shifokorlar ko‘chasida sodir bo‘lgani aniqlangan. U yerda 18 ta katalpa turiga mansub daraxt noqonuniy kesib yuborilgani ma’lum bo‘lgan.
Fuqaroga nisbatan O‘zbekiston Respublikasi Ma’muriy javobgarlik to‘g‘risidagi kodeksning “Daraxtlar va butalarni noqonuniy kesish” moddasining 1-qismi bo‘yicha bayonnoma rasmiylashtirilgan. Unga 10 300 000 so‘m miqdorida jarima belgilangan.
Vazirlikning ma’lum qilishicha, bu noqonuniy harakatning atrof-muhitga yetkazgan moddiy zarari miqdori hozircha aniqlanmagan.
“Zamin”ni Telegramʻda oʻqing!
