Ukrainada Rossiya tomonida jang qilgan o‘zbekistonlik Zuhriddin Yuldashev ukrain harbiylari tomonidan asirga olindi, deb UPL xabar berdi. U haqida video ijtimoiy tarmoqlarda tarqaldi.
Ma’lumotlarga ko‘ra, 31 yoshli Buxoro viloyatidan bo‘lgan Yuldashev ukrain harbiy droni oldida taslim bo‘lgan. U urushga majburan yuborilganini bildirgan. OAVga ko‘ra, unga narkotik modda tarqatish aybi qo‘yilgan va u jazodan qutulish uchun “maxsus harbiy operatsiya”da qatnashishni tanlagan.
Asirlikda Yuldashev Rossiya armiyasidagi tartibsizliklar, harbiylar o‘z mablag‘iga jihozlar sotib olayotgani haqida gapirgan. Shuningdek, u O‘zbekiston hukumatidan uni vatanga qaytarishni so‘ragan. Eslatib o‘tamiz, O‘zbekiston fuqarolariga xorijdagi harbiy mojarolarda qatnashish taqiqlangan va bunga jinoyat ishi qo‘zg‘atilishi mumkin.
“Zamin”ni Telegramʻda oʻqing!
