Bolalar orasidagi virus mavsumiy shamollashning odatiy ko‘rinishi, deb UZ24.uz xabar berdi. Sog‘liqni saqlash vazirligi bu holatga rasmiy munosabat bildirib, aholiga ortiqcha xavotirga tushmaslikni tavsiya qildi.
Ma’lum qilinishicha, bu yil shamollash mavsumi odatdagidan kechroq — oktyabr oyi oxirida boshlangan. Bemorlarda nafaqat isitma va yo‘tal, balki ich ketish va qayt qilish holatlari ham kuzatilmoqda.
Bu esa virus shtammlarining o‘zgaruvchanligi bilan izohlanadi. Vazirlik bu holatni COVID-19 bilan bog‘lash noto‘g‘ri ekanini, ushbu virus endilikda oddiy respirator infeksiyaga aylanganini ta’kidladi.
Hozirda mamlakatda epidemiologik vaziyat barqaror. Shifoxonalarda dori-darmon, joy va zaruriy zaxiralar yetarli. Jarayon doimiy monitoring ostida olib borilmoqda.
“Zamin”ni Telegramʻda oʻqing!
