Qirg‘izistonning Manas tumanida 8 noyabr kuni kutilmagan va daxshatli voqea sodir bo‘ldi. 19 yoshli qiz o‘pishuv paytida o‘zidan 7 yosh katta sevgilisining tilini tishlab, uzib olgan.
Jalolobod viloyati klinik shifoxonasi direktori Qumar Botokarayevning ma’lum qilishicha, yigit og‘ir jarohat bilan shifoxonaga yetkazilgan.
“Bemorning til uchi va pastki lab qismi tishlangan holda keltirildi. Darhol jarrohlik amaliyoti o‘tkazildi va jarohatli joylar tiklandi. Hozir u jag‘-yuz jarrohligi bo‘limida davolanmoqda. Tilni tiklash mumkin bo‘ladi. Amaliyotimda o‘pishish vaqtida bunday holat ilk bor kuzatilyapti”, — degan shifokor.
Ichki ishlar bo‘limi ma’lumotiga ko‘ra, jabrlanuvchi 26 yoshda, qiz esa 19 yoshda bo‘lgan. Ular hodisadan avval do‘stlarining to‘yida bo‘lishgan va spirtli ichimlik iste’mol qilishgan.
Tergovchilarning so‘zlariga ko‘ra, qiz o‘pishuv paytida yigitni qattiq tishlab, uning tili va labiga shikast yetkazgan. Har ikkisi ham sog‘lom, ruhiy kasallik belgilari aniqlanmagan.
Manas tuman Ichki ishlar bo‘limi tergov boshlagan va sud-tibbiy ekspertiza tayinlangan. Tergov harakatlari hozirda davom etmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
