Andijon shahrida yuz bergan navbatdagi yirik huquqbuzarlik yuzasidan tezkor xizmatlar tomonidan o‘z vaqtida keskin chora ko‘rildi. Davlat Bojhona qo‘mitasi hamda huquqni muhofaza qiluvchi idoralar xodimlari birgalikda olib borgan tadbir davomida qiymati juda katta bo‘lgan zargarlik buyumlarining noqonuniy aylanmasiga chek qo‘yildi.
Ma’lumotlarga ko‘ra, fuqaro posilkani qabul qilayotgan paytda uning hujjatlari tekshirilgan va shubhali holatlar aniqlangan. Jo‘natma ochib ko‘rilganda esa umumiy og‘irligi 1 kilogramm 138 grammni tashkil etuvchi 175 ta turli xildagi oltin zargarlik buyumlari topilgan. Ular yuk orqali olib o‘tilmoqchi bo‘lgan, ammo hech qanday bojxona rasmiylashtiruvi hamda sifatni tasdiqlovchi hujjatlar mavjud bo‘lmagan.
Olib qo‘yilgan buyumlarning dastlabki bahosi qariyb 2 milliard so‘mga teng ekani aytilmoqda. Bu esa noqonuniy aylanmaning ko‘lami qanday darajada bo‘lganini ko‘rsatib turadi.
Hozirda ushbu holat bo‘yicha qonuniy tartibda tekshiruv va ayrim protsessual harakatlar olib borilmoqda. Mutasaddilarning ta’kidlashicha, bojxona qoidalarini chetlab o‘tishga urinishlar, ayniqsa, qimmatbaho metalllar aylanmasiga doir qonunbuzarliklar jiddiy nazoratga olingan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
