Qozog‘istonning Aqto‘be viloyatida 7 dekabr kuni sodir bo‘lgan yo‘l-transport fojiasi shiddat bilan jamoatchilik e’tiborini tortdi. Rasmiy ma’lumotlarga ko‘ra, hodisa mahalliy vaqt bilan 08:57 da Aytekebi tumani hududida, respublika ahamiyatiga ega shossening 1028-chaqirig‘ida qayd etilgan.
“Perm–Toshkent” yo‘nalishida harakatlangan Yutong rusumli yo‘lovchi avtobusi boshqaruvini yo‘qotib, yo‘l yonidagi ariqqa ag‘darilgan. Oqibatda transport vositasida bo‘lgan 49 nafar yo‘lovchidan besh kishi halok bo‘lgani tasdiqlandi. Marhumlar orasida ikki nafar O‘zbekiston fuqarosi ham borligi ma’lum qilindi.
Favqulodda vaziyatlar vazirligiga ko‘ra, hodisa yuzasidan O‘zbekiston va Qozog‘iston mutasaddi idoralari ishtirokida maxsus ishchi guruh shakllantirilgan. Ular halok bo‘lgan fuqarolarning jasadlarini mamlakatga qaytarish, dafn marosimlarida oila a’zolariga yordam berish va zarur tashkiliy ishlarini muvofiqlashtirish bilan shug‘ullanmoqda.
Ayni paytda O‘zbekiston FVV xodimlari qozog‘istonlik hamkasblari bilan doimiy muloqotda bo‘lib, avtobuc ag‘darilishiga olib kelgan omillarni o‘rganish, aniq sabablarni belgilash va kelgusi chora-tadbirlarni taqqoslash ustidan ish olib bormoqda.
Hodisa bu turdagi xalqaro reyslarda xavfsizlik choralarini yana bir bor jiddiy o‘rganish zarurligini eslatib qo‘ydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
