Qozog‘istonning Aqto‘be viloyatida yuz bergan qattiq yo‘l-transport hodisasi O‘zbekiston fuqarolarining hayotiga ham daxl qildi. Rasmiy ma’lumotlarga ko‘ra, 7-dekabr kuni soat 08:57 atrofida Aytekebi tumani hududidan o‘tuvchi respublika ahamiyatidagi avtomobil yo‘lining 1028-chaqirig‘ida yirik fojia sodir bo‘ldi.
Perm – Toshkent yo‘nalishi bo‘ylab harakatlanayotgan Yutong rusumli yo‘lovchi avtobusi qandaydir sababga ko‘ra boshqaruvni yo‘qotib, yo‘lning yon tomoniga ag‘darilib ketgan. Avtobusda jami 49 nafar yo‘lovchi bo‘lgani aytilmoqda.
Qulash hodisasi oqibatida besh kishi hayotdan ko‘z yumdi. Achinarlisi, ular orasida ikki nafar O‘zbekiston fuqarosi ham bor. Qolgan yo‘lovchilar turli darajadagi tan jarohatlari bilan shifoxonaga yetkazilgan.
O‘zbekiston Favqulodda vaziyatlar vazirligi tomonidan bildirilishicha, maxsus ishchi guruh tashkil etilgan bo‘lib, mahalliy idoralar bilan hamkorlikda halok bo‘lgan yurtdoshlarimizni vatanga olib kelish va dafn tadbirlarini tashkil etish borasida barcha zarur choralar ko‘rilmoqda. Shuningdek, vazirlik xodimlari qozog‘istonlik hamkasblar bilan doimiy muloqotda bo‘lib, YTHning aniq sabablarini o‘rganish bo‘yicha ham hamkorlik ishlarini amalga oshirmoqda.
Fojia butun jamoatchilikni ranjitdi. Yo‘lovchilar salomatligi, xalqaro yo‘nalishlarda xavfsizlik talablari va texnik holat nazorati yana bir bor dolzarb mavzuga aylandi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
