O‘zenergoinspeksiya nazorat-kimyo laboratoriyalari joylarda neft mahsulotlari sifatini tekshirish bo‘yicha muntazam nazorat tadbirlarini davom ettirmoqda. Maqsad — yoqilg‘i va boshqa neft mahsulotlarining davlat standart talablariga mosligini ta’minlash hamda iste’molchiga sifatsiz mahsulot yetib borishining oldini olish.
Joriy yilning yanvar oyida o‘tkazilgan nazoratlar doirasida 102 ta avtoyoqilg‘i quyish shoxobchasi va korxonalardan jami 162 ta namuna olindi. Tahlillar yakuniga ko‘ra, 13 ta subyektda 111,8 ming litr neft mahsulotlari davlat standart talablariga javob bermasligi aniqlanib, ularni sotuvga chiqarish to‘xtatildi.
Ma’lumot uchun, 2025 yil davomida o‘tkazilgan sifat nazorati tadbirlari natijasida 247 ta subyektda jami 8 mln 962 ming litr neft mahsulotlari standartlarga mos kelmagani qayd etilgan. Mutasaddilar nazorat ishlari davom ettirilishini, sifatsiz mahsulot aylanmasiga yo‘l qo‘yilmasligini bildirmoqda.
“Zamin”ni Telegramʻda oʻqing!
