Qozog‘istonda 12 yoshli qizcha o‘zini osib qo‘ydi

Qozog‘istonning Rudniy shahrida yana bir o‘smir o‘z joniga qasd qildi. Ma’lum bo‘lishicha, fojiali hodisa 2 mart kuni ro‘y bergan. Bu haqda “Gorod” nashriga tayanib Kun.uz yozmoqda.

Ma’lumotlarga ko‘ra, 12 yoshli qizcha 4-sonli lisey-maktabning 7-sinfida ta’lim olgan va xokkey bilan shug‘ullangan. Maktab o‘z o‘quvchisi o‘z joniga qasd qilganini tasdiqladi.

Dastlabki ma’lumotlarga ko‘ra, maktab o‘quvchisining o‘z joniga qasd qilishiga ijtimoiy tarmoqlardagi xavfli ruhiy o‘yinlar emas, balki javobsiz muhabbat sabab bo‘lgan.