Ijtimoiy tarmoqlarda noodatiy to‘y marosimining videosi keng muhokamalarga sabab bo‘ldi. Katta bir to‘yxonada barcha mehmonlar, qarindoshlar ishtirok etganiga qaramay, eng asosiy qahramonlar — kelin va kuyov zalda yo‘q edi.
To‘y mehmonlari hayratda: marosim davomida kelin-kuyov katta ekran orqali namoyish etildi. Ular videoaloqa yordamida to‘yga “qatnashishdi” — mehmonlar bilan birga xursand bo‘lishdi, raqsga ham tushishdi, biroq bularning bari onlayn tarzda bo‘lib o‘tdi.
Kuyov video orqali qo‘shiqga raqs tushgan, kelin esa mehmonlar bilan virtual salomlashgan. Mehmonlar esa buni odatdagidek davom ettirib, marosimni chinakam bayramga aylantirishgan.
Ushbu zamonaviy uslubdagi to‘y ko‘pchilikda qiziqish uyg‘otdi va “kelajak to‘ylari shunday bo‘ladimi?” degan savollarni tug‘dirdi. Shu bilan birga, ayrimlar bunday yondashuvni “sovuq” deb baholagan bo‘lsa, boshqalar buni texnologiyalar yordamida masofani yengishning ajoyib namunasi deb atadi.
“Zamin”ni Telegramʻda oʻqing!
