Joriy yil 15-fevral kuni soat 18:00 larda Toshkent shahri Chilonzor tumani hududida yo‘l-transport hodisasi sodir bo‘ldi. Ma’lumotlarga ko‘ra, TXAY–Chorbog‘ ko‘chalari kesishgan chorrahada yuk avtomobili bir yo‘nalishda harakatlanayotgan velosipedni urib yuborgan.
Qayd etilishicha, 1969-yilda tug‘ilgan Yu.A. boshqaruvidagi HOWO rusumli yuk avtomobili 2004-yilda tug‘ilgan A.I. boshqaruvidagi velosiped bilan to‘qnashgan. Hodisa oqibatida velosiped haydovchisi olgan tan jarohatlari tufayli vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atildi. Ayni vaqtda tergov harakatlari olib borilmoqda. Hayot juda tez o‘tib ketadi — shuning uchun yo‘lda har bir harakat, har bir soniya ehtiyotkorlik talab qiladi.
“Zamin”ni Telegramʻda oʻqing!
