Toshkent shahrida yana bir maktab o‘quvchisi "avariya" sodir etdi

Foto: Anvar Nazrulloh / Facebook

Toshkent shahrida maktab o‘quvchisi YPX xodimini urib ketganidan keyingi rezonans va kuchaytirilgan reydlarga qaramay, o‘smirlarning avtomobil haydashi holatlari davom etmoqda.

Navbatdagi YTH 7-mart kuni Nurafshon va Labzak ko‘chalari kesishgan chorrahada ro‘y berdi. Bu haqda jamoatchilik faoli Anvar Nazrulloh Facebook sahifasida xabar berdi.

“Mana shu avariya shundoqqina ko‘z o‘ngimda sodir bo‘ldi. Nurafshon ko‘chadan uchib kelgan mashina Labzak chorrahasida o‘zini eplolmay ustunga urildi. Mashinadan esa 4 ta maktab bolasi tushib keldi. Ruldagi bola oq formada edi. Shuncha gap-so‘z boshqa sayyorada bo‘layapti, bular esa boshqa sayyorada yashaydi”, – deya yozdi u.