Toshkent shahrida kitob savdosi bilan shug'ullanuvchi Xayrulla Asadovga Yoshlar ishlari agentligi tomonidan amaliy yordam ko'rsatiladigan bo'ldi. Avvalroq, ko'chada kitob sotib yurgan bu inson 20 ming so'mlik chek bermagani uchun 2 million so'm miqdorida jarimaga tortilgan va mollari musodara qilingan edi. Ushbu holat ijtimoiy tarmoqlarda keng muhokamalarga sabab bo'lgach, mutasaddilar vaziyatga ijobiy yechim topishga qaror qildi.
Endilikda Xayrulla Asadovga zamonaviy ko'rinishdagi bukinistik kiosk ajratiladi. Shuningdek, uning faoliyatini qonuniy va qulay tarzda davom ettirishi uchun 2000 dan ortiq kitoblar jamlanmasi taqdim etiladi. Ushbu tashabbus mamlakatimizda kitobxonlikni targ'ib qilish hamda kitob ko'chalarini tashkil etish bo'yicha olib borilayotgan davlat siyosati doirasida amalga oshirilmoqda. Bu kabi qo'llab-quvvatlash tadbirlari nafaqat kitobfurushning faoliyatini tiklashga, balki yoshlarning mutolaaga bo'lgan qiziqishini yanada oshirishga xizmat qiladi.
“Zamin”ni Telegramʻda oʻqing!
