Majburiy ijro byurosi Davlatobod tuman bo‘limi tomonidan olib borilgan ijro harakatlari natijasida yana bir sud qarori amalda taʼminlandi.
Aniqlanishicha, fuqarolik ishlari bo‘yicha Namangan tumanlararo sudining hal qiluv qaroriga asosan, fuqaro M.A foydasiga fuqaro I.M. dan turmush davrida birgalikda qurilgan savdo do‘konining 1/2 qism ulushi undirilishi belgilangan.
Majburiy ijro harakatlari davomida qarzdor tomonidan belgilangan majburiyatlar ixtiyoriy ravishda bajarilmaganligi sababli, davlat ijrochilari tomonidan qonuniy choralar ko‘rildi. Olib borilgan tadbirlar natijasida mazkur mulk ulushi hisobidan qariyb 97 million so‘m mablag‘ undirilib, undiruvchi foydasiga yo‘naltirildi.
Mazkur holat sud qarorlarining ijrosini taʼminlashda Majburiy ijro byurosi organlari tomonidan tizimli ishlar amalga oshirilayotganini yana bir bor namoyon etdi.
Majburiy ijro byurosi tomonidan sud hujjatlari ijrosini taʼminlash borasidagi ishlar izchil davom ettirilmoqda.
“Zamin”ni Telegramʻda oʻqing!
