Jinoyat ishlari boʻyicha Sergeli tuman sudining 31.03.2026 yildagi ijro varaqasiga asosan, qarzdor fuqaro A.V.dan undiruvchilar — fuqaro S.M. foydasiga 18 433,7 ming soʻm hamda yoʻl-transport hodisasi oqibatida moddiy zarar koʻrgan yana bir undiruvchi X.S. foydasiga qariyb 3 mln soʻm undirish toʻgʻrisidagi ijro hujjatlari Byuroning Sergeli tuman boʻlimi ish yurituviga kelib tushgan.
Mazkur ijro hujjatlari yuzasidan Oʻzbekiston Respublikasining “Sud hujjatlari va boshqa organlar hujjatlarini ijro etish toʻgʻrisida”gi Qonunining 23-moddasiga muvofiq ijro ishi qoʻzgʻatildi.
Aniqlanishicha, qarzdor fuqaro oʻzining “Tracker-2” rusumli avtomashinasida harakatlanib, oraliq masofani saqlamagan holda eʼtiborsizlikka yoʻl qoʻygan va oldinda harakatlanayotgan “Lacetti” avtomashinasiga kelib uriladi. Toʻqnashuv zarbasi oqibatida esa “Lacetti” avtomashinasi oʻzidan oldinda harakatlanayotgan “Labo” transport vositasiga borib urilishiga sabab boʻlgan.
Olib borilgan ijro harakatlari davomida qarzdordan undiruvchilar foydasiga jami 21 388,5 ming soʻm mablagʻ toʻliq undirildi. Shu munosabat bilan ijro hujjati Qonunning 41-moddasi 1-bandiga asosan amalda bajarilib, ish tamomlandi.
“Zamin”ni Telegramʻda oʻqing!
