Oʻzbekistondagi xususiy maktabdagi noodatiy usul ijtimoiy tarmoqlarda muhokama boʻldi

Oʻzbekistondagi xususiy maktablardan birida oʻquv jarayoniga oid yangi qatʼiy qoidalar joriy etildi.

Maʼlum qilinishicha, muassasa hududida telefon va kalkulyatorlardan foydalanish toʻliq taqiqlangan. Maʼmuriyat ushbu taqiqning jiddiyligini koʻrsatish uchun noodatiy usulni tanlagan.

Yaʼni, ular qurilmalarni devorga mixlab qoʻyish orqali bu qarorni namoyish etmoqchi boʻlishgan. Kalkulyatorlar bilan bu usul amalga oshgan boʻlsa, telefon esa mustahkamligi sababli mix bilan teshib oʻtilmagan.

Ushbu holat aks etgan video tez orada ijtimoiy tarmoqlarda tarqaldi.

Natijada, taʼlim muassasalarida intizomni taʼminlash usullari boʻyicha qizgʻin muhokamalar boshlandi.